ევროპული საბჭოს პრეზიდენტი შარლ მიშელი რუსეთის პრეზიდენტ ვლადიმერ პუტინს ტელეფონით ესაუბრა. ამის შესახებ შარლ მიშელი სოციალურ ქსელში წერს.
შარლ მიშელი ვლადიმერ პუტინს მოუწოდებს, მართლმადიდებლური აღდგომის დღესასწაულთან დაკავშირებით, დაუყოვნებლივ უზრუნველყონ ჰუმანიტარული წვდომა მარიუპოლსა და სხვა ალყაში მოქცეულ ქალაქებთან.
„სატელეფონო საუბრისას ევროკავშირის საბჭოს პრეზიდენტმა კიდევ ერთხელ დაადასტურა ევროკავშირის პოზიცია უკრაინისა და მისი სუვერენიტეტის მხარდაჭერასთან დაკავშირებით და ასევე რუსეთის აგრესიის წინააღმდეგ სანქციების დაწესების გამო“, – ვკითხულობთ სოციალურ ქსელში გავრცელებულ განცხადებაში.
