გაერო-ს გენერალური მდივანი ანტონიო გუტერეში 28 აპრილს უკრაინაში ჩავა, - ამის შესახებ ორგანიზაციის პრესსპიკერმა განაცხადა.
მისივე ინფორმაციით, ანტონიო გუტერეში უკრაინის პრეზიდენტს, ვოლოდიმირ ზელენსკისა და საგარეო საქმეთა მინისტრს, დმიტრო კულებას შეხვდება.
შეგახსენებთ, მანამდე ცნობილი გახდა, რომ გენერალური მდივანი სამშაბათს მოსკოვში რუსეთის საგარეო საქმეთა მინისტრს, სერგეი ლავროვსა და პრეზიდენტ ვლადიმერ პუტინს შეხვდება.
ანტონიო გუტერეშმა რუსეთისა და უკრაინის პრეზიდენტებთან აუდიენცია ორი დღის წინ ითხოვა. ის გეგმავს განიხილოს საკითხები, თუ რა შეიძლება გაკეთდეს იმისთვის, რომ უკრაინაში მშვიდობა დამყარდეს.
