ჩეხეთის რესპუბლიკის პარლამენტის სენატის პრეზიდენტის მილოშ ვისტრჩილის განცხადებით, ჩეხეთი მაქსიმალურად დაუჭერს მხარს ასოცირებულ ტრიოს, რათა მოლდოვამ, საქართველომ და უკრაინამ შეძლონ დაჩქარებული წესით ევროკავშირში გაწევრიანება.
„ჩეხეთის რესპუბლიკა ევროკავშირში თავისი თავმჯდომარეობის პერიოდში, რომელიც მიმდინარე წლის ივნისიდან დაიწყება, მაქსიმალურად დაუჭერს მხარს ასოცირებულ ტრიოს, რათა მოლდოვამ, საქართველომ და უკრაინამ შეძლონ დაჩქარებული წესით ევროკავშირში გაწევრიანება. და საერთოდ, აღმოსავლეთ პარტნიორობას რაც ეხება, პრაღაში შეიქმნა ეს ფორმატი და მოგეხსენებათ, მხარდაჭერა დღემდე გრძელდება“, – აღნიშნა ჩეხეთის პარლამენტის სენატის პრეზიდენტმა.
საქართველოს, ოფიციალური ვიზიტით ჩეხეთის რესპუბლიკის პარლამენტის სენატის პრეზიდენტი, მილოშ ვისტრჩილი თანმხლებ დელეგაციასთან ერთად პირველ მაისს ეწვია.
