„ნიკა მელიას საქმე სამართლებრივ ჭრილში არ უნდა განიხილებოდეს," - განაცხადა დღეს, 10 მაისს, ნიკა მელიას ადვოკატმა, გიორგი კონდახაშვილმა.
მისი თქმით, მელიას გათავისუფლება უკანონო პოლიტიკური პატიმრობიდან მისი და უცხოელი პარტნიორების ძალისხმევის დამსახურებაა.
„ამ საქმეს ნუ განიხილავენ სამართლებრივ ჭრილში და ასპექტში. მარტივად შემიძლია ავხსნა, ნიკა მელიას ბრძოლამ, პრინციპულობამ, ასევე ევროკავშირისა და შეერთებული შტატების, ჩვენი მეგობრების ძალისხმევამ, ხელისუფლება აიძულა, რომ დაესრულებინა ნიკა მელიას უკანონო პოლიტიკური პატიმრობა და დღეს სასამართლოს გზით ამის გაფორმება ხდება. შესაბამისად, პროცედურებთან და სამართლებრივ სიღრმეებთან დაკავშირებით საუბარზე თავს შევიკავებდი, თუმცა შემიძლია გადაჭრით გითხრათ, რომ შუამდგომლობა, რომელიც შევიდა გენერალური პროკურატურიდან სასამართლოში და რომელიც მოსამართლემ უნდა განიხილოს, აუცილებლად დაკმაყოფილდება და ნიკა მელია დღეს აუცილებლად გათავისუფლდება უკანონო პატიმრობიდან",-თქვა კონდახიშვილმა.
შეგახსენებთ,: „ნაციონალური მოძრაობის" თავმჯდომარის ნიკა მელიას გირაოს თანხა ევროკავშირმა გუშინ გადაიხადა. დღეს თბილისის სასამართლოში სასამართლოში პროცესი 16.00 საათზე გაიმართება, რა დროსაც, სავარაუდოდ, ნიკა მელია პატიმრობიდან გათავისუფლდება.
