„აუცილებლად შევხვდები ნიკა მელიას. ვფიქრობ, რომ ოპოზიციურ ფლანგზე უნდა ვითანამშრომლოთ," - განაცხადა დღეს, 10 მაისს, „სტრატეგია აღმაშენებლის" ლიდერმა, გიორგი ვაშაძემ.
მისივე თქმით, ნიკა მელია ციხიდან გამსოვლის შემდეგ, პარლამენტში აუცილებლად უნდა შევიდეს.
„ნიკა მელიას საპყრობილედან გამოსვლის შემდეგ რატომ არ უნდა შემოვიდნენ პარლამენტში?! სწორი როგორ მიმაჩნია? - სწორი არის, რომ უნდა შევიდნენ პარლამენტში. პირველსავე დღიდან ყველაფერი ამას მოასწავებდა, უბრალოდ, ვფიქრობ, რომ ორკვირიანი ნერვების წყვეტა შეიძლებოდა თავიდან აგვერიდებინა. აუცილებლად შევხვდები ნიკა მელიას. ვფიქრობ, რომ ოპოზიციურ ფლანგზე უნდა ვითანამშრომლოთ. იმედი მაქვს ის გინების რიტორიკა, რომელიც ამ ორი კვირის განმავლობაში იყო, პრეისტორიულ წარსულს ჩაბარდება, ცოტა გავიზრდებით პოლიტიკურად, კულტურა მოგვემატება, რომ ერთმანეთის განსხვავებულ აზრს პატივი ვცეთ", - განაცხადა ვაშაძემ.
