„ყველაფერს აუცილებლად მიხედავს სახელმწიფო და გადაწყდება ყველაზე საუკეთესო, მეგობრულ ატმოსფეროში, დარწმუნებული ვარ, ორ სახელმწიფოს შორის," - განაცხადა „ქართული ოცნების" წევრმა, დეპუტატმა და პიანისტმა ელისო ბოლქვაძემ დმანისის ინციდენზე კომენტირებისას.
ცნობისთვის: 16 მაისს, დმანისში, ადგილობრივ მოსახლეობას შორის კონფლიქტი დაიწყო, რაც ფართომასშტაბიან უთანხმოებაში გადაიზარდა. ორი დღის შემდეგ, დაპირისპირებული მხარეები შერიგდნენ.
„საქართველოსთვის ყველა თავისი მოქალაქე არის ძალიან ძვირფასი. რა თქმა უნდა, ეს კონფლიქტი იქნება დარეგულირებული, აუცილებლად უნდა იყოს გამოძიება და მე დარწმუნებული ვარ, რომ ეს იქნება სამართლიანად გადაწყვეტილი კონფლიქტი. გამოიძიებენ იმ ადამიანებს, ვინც ამ კონფლიქტს ან აღვივებდა, ან დაიგეგმა წინასწარ, ან არ დაიგეგმა წინასწარ და ამას ყველაფერს აუცილებლად მიხედავს სახელმწიფო და გადაწყდება ყველაზე საუკეთესო, მეგობრულ ატმოსფეროში, დარწმუნებული ვარ, ორ სახელმწიფოს შორის", - განაცხადა ბოლქვაძემ.
