„აღმოჩნდა, რომ თამარ ჟვანია აბსოლუტურად არაფერ შუაში იყო იმ გაყალბებულ მონაცემებთან, რაც დაითვალა პარალელურმა არჩევნებმა და რაც გადათვლის შემდეგ ზუსტად დაემთხვა ცესკო-ს მონაცემებს," -განაცხადა დღეს, 20 მაისს, პარლამენტის პირველმა ვიცე-სპიკერმა გია ვოლსკიმ.
მისივე თქმით, ჟვანიას პროფესიონალიზმსა და ნეიტრალიზმში ევროკავშირსაც კი არ შეუტანია ეჭვი.
„აღმოჩნდა, რომ თამარ ჟვანია აბსოლუტურად არაფერ შუაში იყო იმ გაყალბებულ მონაცემებთან, რაც დაითვალა „პარალელურმა არჩევნებმა" და რაც გადათვლის შემდეგ ზუსტად დაემთხვა ცესკო-ს მონაცემებს. ეს ადამიანი არაფერ შუაშია თუნდაც იმ მცირე დარღვევებთან, რომელიც საარჩევნო პროცესს ახასიათებდა. არც მის პროფესიულ დონეში და არც მის ნეიტრალობაში ეჭვი არავის ეპარება და არც ევროკავშირს ჰქონია კითხვები, მით უმეტეს, თუ საერთაშორისო ორგანიზაციების განცხადებებს ვიცნობთ,"- განაცხადა ვოლსკიმ.
ვოლსკის თქმით, თუ კომისია დაადგენს გადახრას თუნდაც 1-პროცენტიანს, არათუ ჟვანიამ, ირაკლი კობახიძემაც განაცხადა გადადგომის თაობაზე.
„ეს „ქართულ ოცნებას" კი არ სჭირდება, არამედ, საზოგადოებას სჭირდება კომპეტენტური კომისიის დასკვნა, რომ არჩევნები არ გაყალბებულა. ყველა პოლიტიკურმა სუბიექტმა უნდა გაითავისოს, რომ სახელმწიფოს ინტერესებია წინ. თუ კომისია დაადგენს გადახრებს 1- პროცენტიანს, არათუ თამარ ჟვანიამ, ირაკლი კობახიძემაც განაცხადა გადადგომის თაობაზე. ზღაპარი, რომ ბიულეტენები შეიძლება მოიპარო, ოქმები გადააკეთო და ოპოზიციის 12 ათასი წარმომადგენელი მოისყიდო, არავის აღარ სჯერა,"- განაცხადა ვოლსკიმ.
