მიუხედავად იმისა, რომ შეიძლება, სხვა აღქმა გვქონდა ტაქტიკური თვალსაზრისით და სხვა რაღაც გამოვიდა, საბოლოო ჯამში, ჩვენი სულისკვეთება არის უცვლელი, – ამის შესახებ ლაშა ბუღაძემ ტელეკომპანია „მთავარის“ ეთერში დღევანდელი აქციის შეფასებისას განაცხადა.
„მგონი, ახლა ის სურათია, როდესაც მიუხედავად იმისა, რომ შეიძლება, რაღაც სხვა აღქმა გვქონდა, ტაქტიკური თვალსაზრისით და სხვა რაღაც გამოვიდა. ხშირად ემპირიული და თეორიული არის სხვადასხვა რამ ხოლმე. საბოლოო ჯამში, ჩვენი სულისკვეთება არის უცვლელი – ოლიგარქის გარეშე საქართველო, რომელიც უნდა შევიდეს ევროკავშირში“, – განაცხადა ლაშა ბუღაძემ.
მისი თქმით, ტაქტიკურად რაღაც შეიძლება, დღეს არ გამოვიდეს, მაგრამ ხვალ გამოვიდეს.
„მესმის, რომ შესაძლოა, იყოს და როგორც ჩანს, დღესაც განწყობების კონტრასტულობა ჩანდა. ზოგი უფრო ტემპერამენტულია, ზოგი უფრო ფრთხილი, ზოგი უფრო რაციონალური, ზოგი უფრო მომენტის, ასე ვთქვათ, განწყობით, რომ ახლა რაღაც უნდა გადაწყდეს. მე საერთოდ ორიენტირებული ვარ, რომ ყველა პროცესი დაექვემდებაროს ანალიზს და ეს პროცესიც უნდა დაექვემდებაროს. მაგრამ მე არ ვგრძნობ თავს, რაღაცნაირად ფრუსტრაციაში ნამდვილად არ ვარ. უბრალოდ, ეს რთული პროცესია. მეც და ალბათ ბევრი ჩვენგანიც ასე ვიყავით და ვართ განწყობილი. ტაქტიკურად რაღაც შეიძლება, დღეს არ გამოვიდეს, ხვალ გამოვიდეს, ზაფხულის პერიოდია, მაგრამ გვაქვს დრო მობილიზების“, – აღნიშნა ლაშა ბუღაძემ.
