ნამახვანჰესის მშენებლობის მოწინააღმდეგეები რესპუბლიკის მოედნიდან მსვლელობის პარლამენტისაკენ მიემართებიან.
როგორც ცნობილია, აქციის მონაწილეები პარლამენტის თავმჯდომარეს, კახა კუჭავას შეხვდებიან.
პარლამენტის თავმჯდომარის კახა კუჭავას განცხადებით, შეხვედრა გაცნობითი ხასიათის იქნება.
„ჩემი აპარატიდან დაუკავშირდნენ შეხვედრასთან დაკავშირებით ვარლამ გოლეთიანს, ძალიან მარტივი მიზეზით, რომ გამეცნო და მომესმინა რამდენად არის ზოგადად და ისინი რამდენად ხედავენ საშუალებას, რომ პარლამენტი ჩაერთოს ამ დისკუსიაში, შეიქმნას სპეციალური ჯგუფი და რაც შეიძლება მოკლე ვადებში მოხდეს პოზიციების დაახლოვება"-განაცხადა კახა კუჭავამ.
შეგახსენებთ, 23 მაისს ნამახვანჰესის წინააღმდეგ მიმართულმა საპროტესტო მოძრაობამ რიონის ხეობიდან დედაქალაქში გადაინაცვლა.
