შეფასებისა და გამოცდების ეროვნულმა ცენტრმა უმაღლეს და პროფესიულ საგანმანათლებლო დაწესებულებებში ე.წ. მეორადი ჩარიცხვის შედეგები გამოაქვეყნა. ცენტრის ინფორმაციით, სწავლის გაგრძელების უფლება 1 242-მა აბიტურიენტმა მოიპოვა, რაც რეგისტრირებულთა 73%-ს შეადგენს.
მეორადი ჩარიცხვის პროცესში მონაწილეობის უფლება 4 010 აბიტურიენტს ჰქონდა, თუმცა რეგისტრაცია 1 715-მა გაიარა.
ცენტრის ცნობით, საბაკალავრო პროგრამებზე სწავლის უფლებას 818 აბიტურიენტი მოიპოვებს. მათგან 312 სახელმწიფოს მიერ დაფუძნებულ უმაღლეს საგანმანათლებლო დაწესებულებებში ჩაირიცხა, ხოლო 506 კერძო უნივერსიტეტებში.
პროფესიულ საგანმანათლებლო პროგრამებზე სწავლის გაგრძელების უფლება 408 აბიტურიენტმა მოიპოვა. მათგან 244 სახელმწიფო პროფესიულ სასწავლებელში ჩაირიცხა, 164 კი კერძო პროფესიულ სასწავლებელში.
ქართულ ენაში მომზადების პროგრამაზე სწავლის უფლება 16-მა აბიტურიენტმა მოიპოვა. ყველა მათგანი სახელმწიფოს მიერ დაფუძნებულ უმაღლეს საგანმანათლებლო დაწესებულებაში ჩაირიცხა.
აბიტურიენტებს საკუთარი შედეგების გაცნობა შეფასებისა და გამოცდების ეროვნული ცენტრის მიერ გამოქვეყნებულ ცხრილში შეუძლიათ, საგამოცდო ბარათზე მითითებული ცხრანიშნა საიდენტიფიკაციო კოდის მეშვეობით.
