საქართველოს მორაგბეთა ნაკრების მწვრთნელი: ვამაყობ ჩემი გუნდით
დიმიტრი მედვედევი - სავსებით შესაძლებელია, წარმოვიდგინოთ ჰააგის სასამართლოს შენობაზე ჩრდილოეთის ზღვაში მდებარე რუსული ხომალდიდან „ონიქსის“ ზებგერითი რაკეტის წერტილოვანი გამოყენება
თიბისის ციფრული ბანკით თანხის გადარიცხვა კიდევ უფრო გამარტივდა
რატი ბრეგაძე - სააკაშვილის ადვოკატებმა გასულ წელს მიმართეს სტრასბურგის სასამართლოს და ვნახეთ, რა შედეგიც დადგა, ძირითადი სარჩელიც კი გამოითხოვეს
პოლონელი ექიმების მისია ჩემი ბოლო შანსია, რომ ვიცოცხლო - მიხეილ სააკაშვილის ინტერვიუ
ნათელაშვილი ჰააგას ტრიბუნალს: დააპატიმრეთ რუსი ოლიგარქი ივანიშვილი!
"ბატონო მოსამართლეებო, ყურადღებით იყურეთ ცაში" - მედვედევი ჰააგას ემუქრება
ზურაბ აზარაშვილი - სამწუხაროდ, რეგულირების სააგენტოს ბაზაში აფთიაქების ნაწილია ჩართული, ისევ გაურკვეველ ვადებს ითხოვენ, არანაირი გადავადება აღარ იქნება, ყველანაირი გონივრული ვადა გასულია

მამუკა მდინარაძე - ომის დაწყებიდან ერთ კვირაში, მსოფლიოს 38-მა ქვეყანამ, მათ შორის საქართველომ, მიმართა ჰააგას რუსეთის მიმართ ომის დანაშაულების გამოძიებასთან დაკავშირებით

03.19.2023 | 14:25

ომის დაწყებიდან ერთ კვირაში, მსოფლიოს 38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის მიმართ ომის დანაშაულების გამოძიებასთან დაკავშირებით - პუტინის მიმართ გამოცემული ორდერიც ამ გამოძიების შედეგია, - ამის შესახებ „ქართული ოცნების“ აღმასრულებელი მდივანი მამუკა მდინარაძე სოციალურ ქსელში წერს.

მამუკა მდინარაძე აღნიშნავს, რომ მიმართვას ქვეყანა, მათ შორის მოლდოვა არ შეუერთდა.

„2022 წლის 2 მარტს, ომის დაწყებიდან ერთ კვირაში, მსოფლიოს 38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის მიმართ ომის დანაშაულების გამოძიებასთან დაკავშირებით. ამ მიმართვას ბევრი ქვეყანა არ შეუერთდა, რომელთა შორისაც იყო, მაგალითად, მოლდოვა.

მიმართვის საფუძველზე ჰააგის სასამართლომ გამოძიება დაიწყო.

პუტინის მიმართ რამდენიმე დღის წინ გამოცემული ორდერიც ამ გამოძიების შედეგია.

ეს ის დღეებია, როდესაც თბილისში საპროტესტო აქციები იმართებოდა მოტივით, რომ თითქოს საქართველოს ხელისუფლება მხარს არ უჭერდა უკრაინას…

ეს ის დღეებია, როდესაც უკრაინის ხელისუფლებამ, იგივე მოტივით, საქართველოდან ელჩი გაიწვია…

რაც შეეხება ქართულ საკანონმდებლო ბაზას ჰააგის სასამართლოსთან მიმართებით:

მსოფლიოში საერთაშორისო სისხლის სამართლის სასამართლოს რომის წესდების მონაწილე 123 ქვეყანაა. დღევანდელი მოცემულობით, მათ შორის არ არიან, მაგალითად, თავად უკრაინა, რუსეთი, აშშ და სხვ.

საქართველო, რომის სტატუტის წევრი ქვეყნებიდან, იმ 22 ქვეყანას შორისაა, რომლებსაც სრულად აქვთ მორგებული ქვეყნის საკანონმდებლო ბაზა ჰააგის სასამართლოსთან სათანამშრომლოდ, განსხვავებით ევროკავშირის წევრი 16 ქვეყნისგან, რომლებსაც დღემდე არ აქვთ შექმნილი საკანონმდებლო ბაზა სასამართლოსთან პროცესუალური თანამშრომლობისთვის”, - წერს მდინარაძე „ფეისბუქზე“.