იან ლიპავსკი - ევროკომისია გადახედავს პრაქტიკულ პრობლემებს, რომლებსაც კონკრეტული სახელმწიფოები აწყდებიან, რომელთაც უწევთ, შეზღუდონ რუსეთის მოქალაქეების მოგზაურობა მათ მიწაზე
31.08.2022 ნახვები: 622
ჩეხეთი 2022 წლის 24 თებერვლიდან არ გასცემს რუსეთის მოქალაქეებზე ტურისტულ ვიზებს. ჩვენ კიდევ ერთხელ ვიმეორებთ, რომ ეს არის პუტინის ომი, თავს დაესხა სუვერენულ ევროპელ მეზობელს. ასეთ დროს ჩვენ ვერ მივემხრობით რუსეთის მოქალაქეებისთვის ტურისტული ვიზების გაცემას, – ამის შესახებ განცხადება ჩეხეთის საგარეო საქმეთა მინისტრმა იან ლიპავსკიმ ევროკავშირის საგარეო საქმეთა მინისტრების არაფორმალური შეხვედრის ბოლოს გამართულ პრესკონფერენციაზე გააკეთა.
მისივე თქმით, არსებობს ბევრი კითხვა, როგორ მიუდგება ამას ევროკავშირი.
„ვფიქრობ, დღეს მნიშვნელოვან პროგრესს მივაღწიეთ. არსებობს ფართო შეთანხმება რუსეთ-ევროკავშირს შორის სავიზო რეჟიმის გამარტივების შესახებ შეთანხმების შეჩერებასთან დაკავშირებით და ფაქტია, რომ ამ დრომდე მოქმედებდა გამარტივებული წესები, თუმცა დღევანდელი შეთანხმებით, რუსეთის მოქალაქეებმა შეღავათებით არ უნდა ისარგებლონ. სავიზო რეჟიმის გამარტივების შესახებ შეთანხმების საფუძველი გახლდათ რუსეთთან მეგობრული ურთიერთობების სურვილი, რაც მეტად აღარ არის რეალური.
დღეს მიღწეული შეთანხმება არის პირველი მნიშვნელოვანი ნაბიჯი. ჩვენ შევთანხმდით, რომ ევროკომისია ასევე გადახედავს პრაქტიკულ პრობლემებს, რომლებსაც კონკრეტული სახელმწიფოები აწყდებიან, რომელთაც უსაფრთხოებასთან დაკავშირებული მიზეზების გამო უწევთ რუსეთის მოქალაქეების მოგზაურობა მათ მიწაზე. არსებობს ბევრი პირობები და გარემოებები, რომლებიც უნდა გავითვალისწინოთ“, – განაცხადა ჩეხეთის საგარეო საქმეთა მინისტრმა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
