საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
ლიუდას მაჟილისი - ევროკავშირის კანდიდატის სტატუსის მინიჭება მოლდოვასა და უკრაინისთვის დადებითი ნაბიჯი იყო, მკაფიო პერსპექტივა უნდა მივცეთ საქართველოსაც
23.11.2022 ნახვები: 601
ევროკავშირის კანდიდატის სტატუსის მინიჭება მოლდოვასა და უკრაინისთვის დადებითი ნაბიჯი იყო, მკაფიო პერსპექტივა უნდა მივცეთ საქართველოსაც, – ამის შესახებ ევროდეპუტატმა, ლიუდას მაჟილისმა ევროპარლამენტში გამართული სხდომის დროს განაცხადა, სადაც გაფართოების ახალი სტრატეგია განიხილეს.
მისი თქმით, ევროკავშირი ერთიან ბაზართან წვდომას ამ ქვეყნებს არასათანადოდ სწრაფად აძლევს.
„2004 წელს ევროკავშირის გაფართოების დიდი ტალღის შემდეგ, ჩვენ მუდამ გვესმის საუბრები გაფართოებით გადაღლილობაზე, თუმცა, მე ვიტყოდი, რომ ჩვენ გაფართოების გარეშე ყოფნის გადაღლილობა გვჭირს. მგონი, ჩვენ ამოვწურეთ ის რეაქტიული სიგნალები, რომლებსაც ვუგზავნით იმ ქვეყნებს, რომლებიც ევროკავშირის მიღმა დარჩნენ. ჩვენ მუდმივად ვიმეორებთ, დაუახლოვდით ევროკავშირს, მაგრამ ცოტა ხანი კიდევ მოიცადეთ და იყავით კანდიდატები. მსოფლიოს მოთმინება ამოუწურავი არ არის. ჩვენ ასე ვიქცევით და მერე გვიკვირს, რატომ ხდება მსოფლიო უფრო ევროსკეპტიკური, რატომ იხრება ისეთი საშიში ქვეყნებისკენ, როგორიც რუსეთი და ჩინეთია. ევროკავშირის კანდიდატის სტატუსის მინიჭება მოლდოვისა და უკრაინისთვის დადებითი ნაბიჯი იყო. მკაფიო პერსპექტივა უნდა მივცეთ საქართველოსაც. ჩემი აზრით, ჩვენ ასევე არასათანადოდ სწრაფად ვაძლევთ ამ ქვეყნებს ევროკავშირის ერთიან ბაზართან წვდომას. ჩვენ არ უნდა შევიზღუდოთ თავი მხოლოდ პოლიტიკური მხარდაჭერით, მათ უნდა დავეხმაროთ ფინანსურადაც“, – განაცხადა ლიუდას მაჟილისმა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
