ვრცელდება ინფორმაცია, რომ ბელგიის ქალაქ ანტვერპენში ქართველი ტრანსგენდერი, 26 წლის ლიზა ქისტაური მოკლეს.
გავრცელებული ინფორმაციით, 26 დეკემბრის შემდეგ ქისტაური და მისი შეყვარებული გაუჩინარდნენ, მათი ადგილსამყოფელი არავინ იცოდა.
მომხდართან დაკავშირებით, ოფიციალური ინფორმაცია არ გავრცელებულა.
საქართველოს საგარეო საქმეთა სამინისტროში „ფორტუნას“ განუცხადეს, რომ მათთან ოფიციალური შეტყობინება არ შესულა.
„საელჩოში ოფიციალური შეტყობინება არ შესულა, თუმცა ბელგიაში საქართველოს საკონსულო მუდმივ კონტაქტზეა ადგილობრივ სამართალდამცველებთან და არკვევს სიტუაციას.“ – აცხადებენ საქართველოს საგარეო საქმეთა სამინისტროში.
ინფორმაციას, "ფორტუნა" ავრცელებს.
