გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
ლოიდ ოსტინი - ინფორმაციას სოლედარის სავარაუდო "დაპყრობის" შესახებ არ ვადასტურებ
12.01.2023 ნახვები: 580
აშშ-ს თავდაცვის მდივანი ლოიდ ოსტინი აცხადებს, რომ მას არ აქვს დადასტურებული ინფორმაცია, რუსების მიერ გაკეთებულ განცხადებებზე უკრაინის ქალაქ სოლედარის სავარაუდო "დაპყრობის" შესახებ.
ამის შესახებ მან ვაშინგტონში აშშ-იაპონიის უსაფრთხოების საკონსულტაციო კომიტეტის შეხვედრის შემდეგ გამართულ პრესკონფერენციაზე განაცხადა.
"ამ ეტაპზე, ჩვენ არ შეგვიძლია დავადასტუროთ ეს ინფორმაცია", - თქვა ოსტინმა.
მან აღნიშნა, რომ იყო "ძალიან ინტენსიური" ბრძოლა ამ რაიონში.
„ჩვენ ორიენტირებული ვართ გავაკეთოთ ყველაფერი, რაც შეგვიძლია, რათა დავრწმუნდეთ, რომ უკრაინელებს აქვთ ისეთი შესაძლებლობები, რაც მათ სჭირდებათ, რათა თავიანთი ძალისხმევით დაიცვან თავიანთი სუვერენული ტერიტორიები“, - თქვა ოსტინმა.
მან დასძინა, რომ ის რეგულარულად ურთიერთობს უკრაინელ კოლეგასთან. გარდა ამისა, მან აღნიშნა, რომ მომავალ კვირას გერმანიაში რამშტეინის ფორმატში უკრაინის თავდაცვის საკონტაქტო ჯგუფის შეხვედრა გაიმართება 50-მდე თავდაცვის მინისტრის მონაწილეობით.
მისი თქმით, იქნება დისკუსია იმის შესახებ, თუ რა სჭირდება უკრაინას ახლა და რა სჭირდება მათ წარმატების მისაღწევად.
"ჩვენ ვაპირებთ უკრაინის მხარდაჭერას იმდენ ხანს, რამდენიც დასჭირდება და მე ვხედავ ჩვენი მოკავშირეებისა და პარტნიორებისგან, ისინიც იგივეს გრძნობენ. ასე რომ, ჩვენ ერთნი ვრჩებით ჩვენს ძალისხმევაში", - თქვა ოსტინმა.
უკრაინის შეიარაღებული ძალების გენერალური შტაბის ინფორმაციით, მტერი ძალისხმევის კონცენტრირებას ახდენს შეტევითი ოპერაციების განხორციელებაზე ბახმუტის რაიონში. ბრძოლა სოლედარისთვის გრძელდება.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
