სასამართლომ ბექა გრიგორიადისი წვრილმან ხულიგნობაში დამნაშავედ ცნო და 800 ლარიანი ჯარიმა დააკისრა
27.06.2023 ნახვები: 623
ლაზარე გრიგორიადისის მამა ბექა გრიგორიადისი სასამართლომ ადმინისტრაციულ სამართალდარღვევაში, წვრილმან ხულიგნობაში დამნაშავედ ცნო და 800 ლარიანი ჯარიმა დააკისრა.
რაც შეეხება პოლიციისათვის შეურაცხყოფის ფაქტს, ამ ბრალდებით მოსამართლემ საქმე შეწყვიტა და განმარტა, რომ არ დადასტურდა.
ბექა გრიგორიადისის ადვოკატი ფეისბუქლაივის გამო წვრილმან ხულიგნობაში ბექა გრიგორიადისის გამტყუნებას შემაშფოთებელს და გამოხატვის თავისუფლების წინააღმდეგ მიმართულ გადაწყვეტილებას უწოდებს.
თავად ბექა გრიგორიადისის განცხადებით, ფეისბუქვიდეოში მისი ბილწსიტყვაობა ტროლებს ეხებოდა და არა პოლიციელებს.
მისივე განმარტებით, ჯერ 2 000 ლარით, დღეს კი 800 დაჯარიმება, უკანონოა და მიუთითებს, რომ „მოსამართლეები ქართულ-ჯიგრულ პუნქტში იღებენ გადაწყვეტილებებს“.
როგორც ბექა გრიგორიადისი ამბობს, მის წინააღმდეგ მიღებული ჯარიმის გადაწყვეტილებები აფიქრებინებს, რომ მის შვილს, ლაზარე გრიგორიადისსაც „შეუკერავენ“ საქმეს და იმას მიუსჯიან, რაც მათ სურთ.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
