საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
ვოლოდიმირ ზელენსკი - ომი, შესაძლოაა, 2023 წელს დასრულდეს
01.09.2023 ნახვები: 602
უკრაინის პრეზიდენტი, ვოლოდიმირ ზელენსკი მიიჩნევს, რომ რუსეთის მიერ უკრაინის წინააღმდეგ წამოწყებული ომი, შეიძლება, წლის ბოლომდე დასრულდეს, მაგრამ გარკვეული პირობებით. პორტუგალიურ ტელეარხ RTP-სთვის მიცემულ ინტერვიუში ზელენსკიმ აღნიშნა, რომ ომის დასრულების თარიღზე საუბარი რთულია, მაგრამ ეს შესაძლოა უახლოეს თვეებში, 2023 წელს მოხდეს. ეს ყველაფერი კი დამოკიდებულია რამდენიმე ფაქტორზე, მათ შორის უკრაინის კონტრშეტევის წარმატებაზე.
ზელენსკიმ ხაზგასმით აღნიშნა, რომ ფრონტზე განვითარებული მოვლენები გადამწყვეტი იქნება შესაბამისი პოლიტიკური გადაწყვეტილების მისაღებად.ასევე, მისი თქმით, უკრაინის ნატო-ში მიწვევამ შეიძლება „ომის დასასრული მოაახლოვოს“. უკრაინის პრეზიდენტი მიიჩნევს, რომ უკრაინა ჩრდილოატლანტიკური ალიანსის ნაწილი მხოლოდ ომის შემდეგ გახდება, მაგრამ გაწევრიანებაზე მიწვევა ადრე შეუძლია მიიღოს.
ვოლოდიმირ ზელენსკი აცხადებს, რომ ახალი უკრაინული იარაღის მოქმედების დიაპაზონი 700 კილომეტრია.
"სამთავრობო და სამხედრო თანამდებობის პირებთან შეხვედრაზე ფრონტზე და ჩვენს შეტევით ოპერაციებზე გავამახვილეთ ყურადღება. ჩვენი ახალი უკრაინული იარაღის დიაპაზონი ახლა 700 კილომეტრია. ჩვენი ამოცანაა ამ რიცხვის გაზრდა", - აღნიშნა ზელენსკიმ.
უკრაინის პრეზიდენტს არ დაუკონკრეტებია რა სახის იარაღზეა საუბარი, ან სად და როდის გამოიყენეს ის.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
