საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
Financial Times ივანიშვილზე: საქართველოს მარიონეტების პატრონი მოსკოვისკენ ტრიალდება
07.05.2024 ნახვები: 599
"საქართველოს მარიონეტების პატრონი მოსკოვისკენ ტრიალდება" - ამ სათაურით გამოცემა Financial Times ქართული ოცნების დამფუძნებლის, ბიძინა ივანიშვილის შესახებ სტატიას აქვეყნებს.
"ოლიგარქი ბიძინა ივანიშვილი ცდილობს, კავკასიელი ერი რუსეთის ორბიტაში დააბრუნოს... ოლიგარქი, რომლის ქონებაც მისი ქვეყნის მთლიანი შიდა პროდუქტის ერთი მესამედის ექვივალენტურია, ძალაუფლებას დიდწილად, კულისებს მიღმა ფლობდა.
თუმცა გასულ კვირას, ის მთიდან ჩამოვიდა, რათა კონსპირაციული, ანტიდასავლური სიტყვით გამოსულიყო, რომელშიც მან საქართველო წარმოაჩინა, როგორც ომის გლობალური პარტიის და სამოქალაქო უფლებების დამცველ ჯგუფებს შორის მისი აგენტების მსხვერპლი", - წერია სტატიაში.
ამასთან, სტატიაში საუბარია რუსულ კანონსა და იმ საპროტესტო გამოსვლებზე, რომელიც პარლამენტში მის წარდგენას მოჰყვა. გამოცემაში ნათქვამია, რომ საქართველოს მთავრობის დაახლოება მოსკოვთან სამი წელია მიმდინარეობს, უკრაინის წინააღმდეგ რუსეთის ომის მიუხედავად.
"ანალიტიკოსები და მთავრობის კრიტიკოსები ამბობენ, რომ „უცხოელი აგენტების“ შესახებ კანონი და ივანიშვილის გამოსვლა, რომელშიც ის კრემლის გამონათქვამებს იმეორებდა, გარდამტეხ მომენტს ნიშნავს. ყოფილი საბჭოთა რესპუბლიკა ახლა ისევ რუსეთის ორბიტაზე ბრუნდება", - ვკითხულობთ სტატიაში.
ფორმულა
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
