ევრო 2024 | ავსტრიის ნაკრებმა პოლონეთი 3:1 დაამარცხა

ევრო 2024-ის D ჯგუფის მეორე ტურის პირველი შეხვედრა ბერლინში გაიმართა, რომელშიც ავსტრიის ეროვნულმა გუნდმა პოლონეთი 3:1 დაამარცხა და ტურნირზე პირველი 3 ქულა მოიპოვა.

• პოლონეთის ნაკრების ძირითად შემადგენლობაში კვლავ არ იყო რობერტ ლევანდოვსკი, რომელმაც პირველი ტურის მატჩიც
• გამოტოვა. „ბარსელონას“ თავდამსხმელი მოედანზე მე-60 წუთზე შევიდა.
• უეფა-მ მატჩის საუკეთესო ფეხბურთელად ავსტრიელთა ერთ-ერთი ლიდერი ბაუმგარტნერი დაასახელა.

9′ წუთი. ავსტრიის ნაკრების პირველი გოლი შეხვედრაში ტრაუნერმა გაიტანა. მან ფილიპ მვენეს გადაცემა გამოიყენა.

30′ წუთი. პოლონეთმა წონასწორობა პირველივე ტაიმში აღადგინა. თავის გამოჩენა „მილანის“ ყოფილმა თავდამსხმელმა, კშიშტოფ პიონტეკმა მოახერხა.

66′ წუთი. ავსტრია წინ კიდევ ერთხელ კრისტოფ ბაუმგარტნერმა გაიყვანა. ავსტრიელმა ნახევარმცველმა პრასის პასით ისარგებლა.

78′ წუთი. ავსტრიელების უპირატესობა კიდევ უფრო მარკო არნაუტოვიჩმა გაზარდა. გამოცდილმა ფეხბურთელმა პენალტი ზუსტად შეასრულა.

შედეგად, D ჯგუფში 2 ტურის შემდეგ ავსტრიის ნაკრებმა 3 ქულა დააგროვა, რითიც ნიდერლანდებსა და საფრანგეთს გაუთანაბრდა. ეს გუნდები თავიანთ მატჩს მოგვიანებით ჩაატარებენ.

1tv.ge