საფრანგეთის ნაკრებმა ევროპის ჩემპიონატზე პოლონეთს ვერ სძლია და ჯგუფში მეორე ადგილი დაიკავა.
კილიან მბაპე მეორე ევროპის ჩემპიონატს თამაშობს და პირველი გოლი პოლონეთთან მატჩში 2024 წლის 25 ივნისს გაიტანა.
საფრანგეთის ნაკრებს ბოლო 9 მატჩია ევროპის ჩემპიონატების ჯგუფურ ეტაპზე არ წაუგია.
რობერტ ლევანდოვსკიმ პოლონეთის ნაკრების მაისურით 83-ე გოლი გაიტანა. ის ნაკრების ყველა დროის ბომბარდირია.
56′ წუთი. ფრედ დასრულებული პირველი ტაიმის შემდეგ მეორე ნახევარში გუნდებმა მეტი მონდომებით შეუტიეს და ორი პენალტიც დაინიშნა. პირველი კილიან მბაპემ დაარტყა და ევროებზე თავისი სადებიუტო გოლი გაიტანა. მანამდე მას ევროპის ჩემპიონატებზე 535 წუთი და 35 კარის მიმართულებით დარტყმა ჰქონდა.
79′ წუთი. რობერტ ლევანდოვსკიმ ტურნირზე პირველი გოლი გაიტანა და შეხვედრაში საბოლოო ანგარიში დააფიქსირა.
ჯგუფში პირველ ადგილზე ავსტრიის ნაკრები გავიდა, რომელმაც პარალელურ შეხვედრაში ნიდერლანდები დაამარცხა. მეორე საფრანგეთია, ხოლო მესამე – ნიდერლანდები.
