ISFED: პრეზიდენტის წინააღმდეგ მადისკრედიტებელ კამპანიაში არაავთენტური ანგარიშები ჩაერთნენ
19.12.2024 ნახვები: 616
არასამთავრობო ორგანიზაციის, სამართლიანი არჩევნების (ISFED) განცხადებით, ევროპარლამენტის ოფიციალურ Facebook-ის გვერდზე გამოქვეყნებულ პრეზიდენტ სალომე ზურაბიშვილის პოსტზე არაავთენტური და საეჭვო ანგარიშები ჩაერთნენ.
ორგანიზაციის ცნობით, ანგარიშები ზურაბიშვილის მიმართ მადისკრედიტებელი კამპანიისთვისაა განკუთვნილი.
"18 დეკემბერს ევროპარლამენტმა ოფიციალურ ფეისბუქგვერდზე საქართველოს პრეზიდენტის, სალომე ზურაბიშვილის სიტყვით გამოსვლის შესახებ პოსტი გამოაქვეყნა. პოსტზე ზურაბიშვილის მხარდამჭერი ათასობით კომენტარის შემდეგ, მის მადისკრედიტირებელ კამპანიაში არაავთენტური და საეჭვო, მათ შორის უცხოური ანგარიშები ჩაერთნენ. პროფილების ნაწილი პოსტზე ერთსა და იმავე კომენტარს რამდენჯერმე წერს", - ნათქვამია განცხადებაში.
ISFED-ის განცხადებით, სალომე ზურაბიშვილის საწინააღმდეგო კომენტარების დაწერისკენ Facebook-ის მომხმარებლებს მოუწოდებდა პროევროპული აქციების მადისკრედიტირებელი ფეისბუქჯგუფი "ანტი მაიდანიც", რომელიც პლატფორმიდან არაერთხელ წაიშალა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
