30-დღიანი ცეცხლის შეწყვეტის წინადადების შესახებ რუსეთიდან სიგნალები არადამაკმაყოფილებელია, - ამის შესახებ პოლონეთის პრემიერ-მინისტრმა, დონალდ ტუსკმა განაცხადა.
„როგორც მოსალოდნელი იყო, რბილად რომ ვთქვათ, არადამაკმაყოფილებელია, სხვა რომ არაფერი ვთქვათ, საიდუმლოებით მოცულია. სიმართლე რომ ვთქვათ, არავინ იცის, მიიღებს თუ არა რუსეთი წინადადებას, თუ ისეთი პირობების წამოყენებას გააგრძელებს, რომლებიც სხვა პარტნიორებისთვის მიუღებელია“, - განაცხადა დონალდ ტუსკმა.
მისი თქმით, იმედი აქვს, რომ აშშ-ის, უკრაინისა და ევროპის დიპლომატიური ძალისხმევა ომის დასრულებას შესაძლებელს გახდის.
„კარგია, რომ საუდის არაბეთში გამართული მოლაპარაკებების შემდეგ ეჭვგარეშეა არა მხოლოდ ის, თუ ვინ არის აგრესორი, არამედ ის, თუ ვის სურს ნამდვილად ცეცხლის შეწყვეტა და მშვიდობა და ვის სურს ომის გაგრძელება“, - აღნიშნა პოლონეთის პრემიერ-მინისტრმა.
