გოჩა მირცხულავა: კობახიძე მემკვიდრედ ბიძინას უნდა თუ არა, ამას არა აქვს მნიშვნელობა, კობახიძეს მიაჩნ
დავით გაბაიძე - აჭარის მთავრობის თავმჯდომარის დასამტკიცებლად, მიხეილ ყაველაშვილი აჭარის უმაღლეს საბჭოსთან კონსულტაციებს გამართავს
04.04.2025 ნახვები: 369
მიხეილ ყაველაშვილი, აჭარის მთავრობის თავმჯდომარის დასამტკიცებლად, აჭარის უმაღლეს საბჭოსთან კონსულტაციებს გამართავს.
ამის შესახებ აჭარის უმაღლესი საბჭოს თავმჯდომარე დავით გაბაიძემ „ინტერპრესნიუსთან” საუბრისას განაცხადა.
მისი თქმით, აღნიშნული შეხვედრა უმოკლეს ვადაში მოხდება.
„აჭარის ავტონომიური რესპუბლიკის მთავრობის უფლებამოსილების შეწყვეტიდან 2 კვირის ვადაში, საქართველოს პრეზიდენტი უმაღლეს საბჭოში წარმოდგენილ პოლიტიკურ სუბიექტებთან კონსულტაციის შემდეგ უმაღლეს საბჭოს დასამტკიცებლად წარუდგენს აჭარის ავტონომიური რესპუბლიკის მთავრობის თავმჯდომარის კანდიდატურას და მთავრობის თავმჯდომარეობის კანდიდატის მიერ დასახელებულ მინისტრების კანდიდატურებს. აჭარის ავტონომიური რესპუბლიკის მთავრობის დამტკიცებას კენჭი ეყრება ერთიანად. აჭარის ავტონომიური რესპუბლიკის მთავრობა დამტკიცებულად ითვლება, თუ მას მხარს დაუჭერს უმაღლესი საბჭოს სრული შემადგენლობის უმრავლესობა. თუ უმაღლესი საბჭო 2 კვირის ვადაში არ დაამტკიცებს მთავრობას, საქართველოს პრეზიდენტი უფლებამოსილია 2 კვირის ვადაში უმაღლეს საბჭოს დასამტკიცებლად წარუდგინოს მთავრობის იგივე ან სხვა შემადგენლობა, რომლის დამტკიცებასაც კენჭი ეყრება 2 კვირის ვადაში. ეს შეხვედრა ძალიან მალე იქნება”, - აღნიშნა დავით გაბაიძემ.
