ივანიშვილის განცხადება - დიპლომატიურად არაეთიკური ანუ „მტკიცე ლიდერი“ რუსული გეგმის შეფუთვას ცდილობს
ელისაშვილი: ხელისუფლება შეშინებული და ჩაფსმულია
22.05.2025 ნახვები: 367
"ოცნება" შეშინებული და ჩაფსმულია, - ამის შესახებ განცხადება კოალიცია "ძლიერი საქართველოს" ერთ-ერთმა ლიდერმა, ალეკო ელისაშვილმა "პირველებთან", თბილისის საქალაქო სასამართლოს მიმდებარე ტერიტორიაზე გააკეთა.
ოპოზიციონერი პოლიტიკოსის მოლოდინით, ზურაბ ჯაფარიძეს დღევანდელ სასამართლო სხდომაზე დააკავებენ. მისივე განმარტებით, სწორედ ამას უკავშირდება ადგილზე პოლიციის უპრეცედენტო მობილიზება.
"ერთი მხრივ, ვხედავთ შეშინებულ, ჩაფსმულ ხელისუფლებას, რომელსაც უამრავი პოლიციელი ჰყავს გამოყვანილი ისე ეშინია. აქეთ ვხედავთ გამბედავ ხალხს, რომელიც გამბედავ ბიჭს, ზურაბ ჯაფარიძეს უჭერს მხარს. წარმოდგენა არ გვაქვს, რა ხდება იმ დარბაზში, მაგრამ რახან ათასობით პოლიციელი ჰყავთ გამოყვანილი, როგორც ჩანს, დაჭერას უპირებენ. ეს არის დიდი შეცდომა. მაგრად მოცურდა ხელისუფლება. ჯერ ჩვენი კოალიციის ხალხმა გააწნა სია, შემდეგ ოქრუაშვილმა და ახლა ზურაბ ჯაფარიძემ, რომელიც ქედს არ უხრის", - განაცხადა ალეკო ელისაშვილმა.
საქალაქო სასამართლოში ზურა ჯაფარიძის პროცესი 15:00 საათზე იყო ჩანიშნული. ოპოზიციონერ ლიდერს წულუკიანის ე.წ. კომისიაზე გამოუცხადებლობას ედავებიან. კოალიცია "ცვლილებისთვის" ლიდერს აღნიშნულ სისხლის საამრთლის საქმეზე 20 000 ლარიანი გირაო აქვს შეფარდებული.
ცნობისთვის, ზურა ჯაფარიძის სასამართლო პროცესზე მისულ ხალხს გომელაურის უწყების თანამშრომლები ეზოში არ უშვებენ. საქალაქოში შევიდა მხოლოდ ადამიანების ის რაოდენობა, რომელიც სხდომათა დარბაზში ეტევა. საუბარია დაახლოებით 20 ადამიანზე. მოქალაქეების დიდი ნაწილი კი ანდრონიკაშვილის ქუჩაზე, სასამართლოს ჭიშკართან დგას, სადაც სამართალდამცველების უპრეცედენტო რაოდენობა მათ ეზოში შესვლის უფლებას არ აძლევს.
