ALDE-ს დოკუმენტში, უკრაინასთან ერთად, საქართველოს EU-ში დაჩქარებულად გაწევრიანებაც ჩაიწერა
28.02.2022 ნახვები: 612
ევროპარლამენტის პარტია ALDE-ს წევრები მათი პარტიის ლიდერების საგანგებო სამიტის შემდეგ განცხადებას ავრცელებენ, სადაც ევროპულ საზოგადოებას მოუწოდებენ, დაიწყოს ფართო კონსულტაციები უკრაინის, საქართველოს, მოლდოვისა და აღმოსავლეთ პარტნიორობის სხვა ქვეყნების დაჩქარებულად გაწევრიანებაზე. ერთობლივ განცხადებას პარტია სტრატეგია აღმაშენებელი ავრცელებს.
"ევროკავშირისკენ მიმავალი გზა განპირობებული უნდა იყოს სახელმწიფო მეთაურების მიერ სუვერენიტეტზე, საერთაშორისო სამართალზე, ევროპულ ღირებულებებზე თავდასხმის აღიარებით; რუსეთის მიერ უკრაინაში შეჭრის აშკარა დაგმობით.
ჩვენ უნდა ჩამოვაყალიბოთ ფინანსური მხარდაჭერის ფონდი, "მარშალის სტილის" პაკეტი უკრაინის აღსადგენად;
ჩვენ, ასევე უნდა დავაჩქაროთ ჩვენი სტრატეგიული გადახედვა რუსეთზე ენერგოდამოკიდებულების შემცირებაზე.
ჩვენ მოვუწოდებთ ყველა საერთაშორისო სპორტულ და კულტურის ორგანიზაციებს, ინსტიტუტებსა და ფედერაციებს, რუსეთი გარიცხონ მათი რიგებიდან, ასევე აკრძალონ რუსეთის მონაწილეობა ღონისძიებებში;
ამავე დროს ჩვენ სოლიდარულები ვართ და ვაფასებთ რუსეთის ყველა იმ მოქალაქის სიმამაცეს, ვინც რუსეთში რისკავს დაპატიმრებით და აპროტესტებს მათი პრეზიდენტის ომს, რომელიც რუსეთის ფედერაციის სახელით დაიწყო. ჩვენ ვადასტურებთ უწყვეტ მორალურ მხარდაჭერას ჩვენი წევრი პარტიების მიმართ რუსეთში", - წერია განცხადებაში.
სტრატეგია აღმაშენებლისა, რესპუბლიკური პარტიის და თავისიფალი დემოკრატების მონაწილეობით, AlDES ლიდერების მიერ შემუშავდა უკრაინის მხარდამჭერი რეზოლუცია. პარტიებმა სტრატეგია აღმაშენებელმა, რესპუბლიკელებმა და თავისუფალმა დემოკრატებმა შესთავაზეს დღევანდელ დახურულ საგანგებო შეხვედრაზე, რომ ევროკავშირში უკრაინის, საქართველოსა და მოლდოვის გაწევრიანების განხილვა დაწყებულიყო.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
