უკრაინის პრეზიდენტის, ვოლოდიმირ ზელენსკის განცხადებით, უკრაინის მიერ ტერიტორიულ დათმობებთან დაკავშირებით აშშ-სა და რუსეთს მოლაპარაკებებში ერთმანეთის მსგავსი პოზიცია აქვთ. ამის შესახებ ზელენსკიმ „ფრანს პრესთან“ ინტერვიუში განაცხადა.
„ამერიკელებიც და რუსებიც ამბობენ: თუ გსურთ, რომ ომი დასრულდეს ხვალვე, გადით დონბასიდან“, – ამბობს ზელენსკი.
ამასთან, უკრაინის პრეზიდენტი აცხადებს, რომ სამშვიდობო შეთანხმების შემთხვევაში გაყინული ფრონტის ხაზის სიახლოვეს ევროპელი მშვიდობისმყოფელების განთავსების მომხრეა.
„უკრაინელებს, რა თქმა უნდა, სურთ, რომ ჩვენი პარტნიორები იდგნენ ჩვენთან ერთად ფრონტის ხაზზე“, – განაცხადა ზელენსკიმ და იქვე დასძინა, რომ „პირველ ხაზზე დგომა არავის სურს“.
