კომპანია „მაიკროსოფთის“ დამფუძნებელმა, მილიარდერმა ბილ გეითსმა ჯეფრი ეპშტეინთან დაკავშირებით საკუთარ ქმედებებზე პასუხისმგებლობა აიღო.
ამის შესახებ განცხადებას ბილ გეითსის ფონდი ავრცელებს.
საქველმოქმედო ჯგუფის წარმომადგენლებმა განცხადება მას შემდეგ გაავრცელეს, რაც „უოლ სთრით ჯორნალმა“ გაავრცელა ინფორმაცია, რომ ბილ გეითსმა თანამშრომლებს ჯეფრი ეპშტეინთან კავშირების გამო ბოდიში მოუხადა.
„უოლ სთრით ჯორნალის“ თანახმად, გეითსმა თანამშრომლებს უთხრა, რომ დიდი შეცდომა იყო ეპშტეინთან დროის გატარება და გეითსის ფონდის ხელმძღვანელების სექსუალურ დამნაშავესთან შეხვედრებზე მიოყვანა. სტატიაში მოყვანილია გეითსის მიერ საქველმოქმედო შეხვედრაზე გაკეთებული კომენტარების ჩანაწერი.
„ბოდიშს ვუხდი სხვა ადამიანებს, რომლებიც ამაში ჩაერთნენ ჩემ მიერ დაშვებული შეცდომის გამო. მე არაფერი უკანონო არ გამიკეთებია. არაფერი უკანონო არ მინახავს“, – განუცხადა გეიტსმა თანამშრომლებს.
სტატიის მიხედვით, აშშ-ის იუსტიციის დეპარტამენტის (DOJ) მიერ გამოქვეყნებულ დოკუმენტებში მითითებულია, რომ გეითსი და ეპშტეინი ფინასისტის პირველი დაპატიმრების შემდეგ ერთმანეთს არაერთხელ შეხვდნენ, რათა განეხილათ Microsoft-ის (MSFT.O) დამფუძნებლის საქველმოქმედო საქმიანობის გაფართოება.
იუსტიციის დეპარტამენტის მიერ გამოქვეყნებული დოკუმენტები ასევე მოიცავს გეითსის ფოტოებს, სადაც ის პოზირებს ქალებთან ერთად, რომელთა სახეებიც დაშიფრულია. გეითსმა ადრე მედიასთან განაცხადა, რომ ეპშტეინთან მისი ურთიერთობა მხოლოდ ქველმოქმედებასთან დაკავშირებული დისკუსიებით შემოიფარგლებოდა.
ამასთან, მედიის ცნობით, ცოტა ხნის წინ გეითსის ფონდმა განაცხადა, რომ მათი მხირდან ეპშტეინისთვის არანაირი ფინანსური გადახდა არ განხორციელებულა.
