საფრანგეთის პრეზიდენტმა, ემანუელ მაკრონმა განაცხადა, რომ ირანის საპასუხო დარტყმები „სრულიად არაპროპორციულია“.
მაკრონის თქმით, საფრანგეთი რეგიონში თავდაცვით პოზიციას აძლიერებს.
„აშშ-ისა და ისრაელის მიერ გუშინ განხორციელებულმა ერთობლივმა დარტყმებმა რეგიონში უპრეცედენტო ესკალაცია გამოიწვია. ირანის საპასუხო სარაკეტო შეტევებმა სრულიად არაპროპორციული სახით დაარტყა სამხედრო ობიექტებს და მრავალ სამოქალაქო სამიზნეს ჩვენი პარტნიორებისა და მოკავშირეების რეგიონში“, – განაცხადა მაკრონმა.
საფრანგეთის პრეზიდენტმა აღნიშნა, რომ ქვეყნის პრიორიტეტია საკუთარი მოქალაქეების, სამხედრო და დიპლომატიური ობიექტების დაცვა.
მისივე თქმით, საფრანგეთი განაგრძობს პარტნიორი ქვეყნების გვერდით დგომას, ვისთანაც თავდაცვითი ხელშეკრულებები აქვს გაფორმებული.
