ფრიდრიხ მერცი - დონალდ ტრამპს მოსკოვზე ზეწოლის გაზრდისკენ მოვუწოდე
04.03.2026 ნახვები: 237
აშშ-ის პრეზიდენტ დონალდ ტრამპთან შეხვედრის შემდეგ, გერმანიის კანცლერმა, ფრიდრიხ მერცმა განაცხადა, რომ აშშ-ის პრეზიდენტს მოუწოდა, უკრაინაში ომის გამო რუსეთის პრეზიდენტ ვლადიმერ პუტინზე მეტი ზეწოლა მოეხდინა.
„რუსეთი აქ დროის მოსაგებად თამაშობს და ამით აშშ-ის პრეზიდენტის ნების საწინააღმდეგოდ მოქმედებს. დღევანდელ მოლაპარაკებებზე მე ტრამპს მოსკოვზე ზეწოლის გაზრდისკენ მოვუწოდე“, – განაცხადა მერცმა ჟურნალისტებთან საუბრისას.
ამასთან, მერცმა აღნიშნა, რომ მხოლოდ ევროპის მიერ მხარდაჭერილი სამშვიდობო შეთანხმება შეიძლება, იყოს ხანგრძლივი.
„ჩვენ არ ვართ მზად, მივიღოთ შეთანხმება, რომელიც ჩვენი მონაწილეობის გარეშე იქნება მიღებული”, – განაცხადა მერცმა.
