მიტროპოლიტი თეოდორე რუსეთის პატრიარქ კირილს: ჩვენთვის მიუღებელია მათი აღიარება, ვისაც ხელდასხმა არ მიუღია – არავითარ ზეწოლას არ დავემორჩილებით
მეუფე იობი: ილია მეორე წუხდა, რატომ არ მეკითხებიან ქვეყნის საკითხებზე და რატომ არ ვარ უშიშროების საბჭოს წევრიო
EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin

ადვოკატი ელგუჯა ავსაჯანიშვილი - მაინტერესებს, ვინ იყო რევაზ კიკნაძის ორგანიზატორი და ვინ დაავალა, რომ „სალფეთქი“ გადაეგდო?

ნახვები: 410 ადვოკატი ელგუჯა ავსაჯანიშვილი - მაინტერესებს, ვინ იყო რევაზ კიკნაძის ორგანიზატორი და ვინ დაავალა, რომ „სალფეთქი“ გადაეგდო?

მაინტერესებს, ვინ იყო რევაზ კიკნაძის ორგანიზატორი და ვინ დაავალა, რომ „სალფეთქი“ გადაეგდო? - ამის შესახებ პარლამენტთან მიმდინარე აქციების დროს დაკავებული რეზო კიკნაძის ადვოკატმა, ელგუჯა ავსაჯანიშვილმა სასამართლო პროცესზე განაცხადა.

ადვოკატის თქმით, ვერცერთი მტკიცებულება ვერ ადასტურებს, რომ რევაზ კიკნაძის ქმედებამ ვინმეს რაიმე საფრთხე შეუქმნა. ამ კონტექსტში მან მოსამართლისგან ბრალდებულის გამართლება მოითხოვა.

„რევაზ კიკნაძის მიმართ ბრალი ვერცერთმა მტკიცებულებამ ვერ დაადასტურა. ვხედავთ, „სალფეთქს“ როგორ ისვრის, ქუჩის დანაგვიანებისთვის კი ადამიანებს 225-ე მუხლით არ ამტყუნებენ. მაინტერესებს, ვინ იყო რევაზ კიკნაძის ორგანიზატორი, ვინ დაავალა, რომ „სალფეთქი“ გადაეგდო. მტკიცებულებაზე მიმითითონ, რომ რევაზ კიკნაძის ამ ქმედებამ ვინმეს რაიმე საფრთხე შეუქმნა. ვერცერთი დაზარალებული ვერ უთითებს, რომ დაზიანება იქ მიიღო, სადაც რევაზ კიკნაძე იმყოფებოდა“, - განაცხადა გუჯა ავსაჯანიშვილმა.

ინფორმაციისთვის, თბილისის სააპელაციო სასამართლოში მსახიობ ანდრო ჭიჭინაძის, იუმორისტ ონისე ცხადაძისა და კიდევ 9 პირის სასამართლო პროცესი მიმდინარეობს, სადაც დაცვის მხარე დასკვნით სიტყვებს ამბობენ. ასევე, საბოლოო სიტყვის უფლებით ისარგებლებენ ბრალდებულებიც.

ცნობისთვის, თბილისის საქალაქო სასამართლომ ორგანიზებულ ჯგუფურ ძალადობაში მონაწილეობის ბრალდებით დაკავებული 11 პირი - ანდრო ჭიჭინაძე, ონისე ცხადაძე, ჯანო არჩაია, რუსლან სივაკოვი, ლუკა ჯაბუა, გურამ მირცხულავა, ვალერი თეთრაშვილი, გიორგი ტერიშვილი, ირაკლი ქერაშვილი, რევაზ კიკნაძე და სერგეი კუხარჩუკი აღნიშნულ ბრალდებაში უდანაშაულოდ ცნო, თუმცა, ბრალდებას კვალიფიკაცია შეუცვალა - ისინი ჯგუფურ ქმედებაში მონაწილეობისთვის ცნო დამნაშავედ. მოსამართლე ნინო გალუსტაშვილმა თითოეულ ბრალდებულს 2 წლით თავისუფლების აღკვეთა მიუსაჯა.

დაკავებულ 11 პირს ბრალდება სისხლის სამართლის კოდექსის 225-ე მუხლის მეორე ნაწილით ჰქონდათ წარდგენილი, რაც ორგანიზებულ ჯგუფურ ძალადობაში მონაწილეობას გულისხმობს, რაც სასჯელის სახედ და ზომად 4-დან 6-წლამდე ვადით თავისუფლების აღკვეთა ითვალისწინებს. მოსამართლე გალუსტაშვილმა აღნიშნული ბრალდება სისხლის სამართლის კოდექსის 226-ე მუხლზე გადააკვალიფიცირა, რაც ჯგუფურ მოქმედებაში აქტიურ მონაწილეობას გულისხმობს, რამაც საზოგადოებრივი წესრიგი დაარღვია.

ყველას ნახვა
ყველას ნახვა
ყველას ნახვა