საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
უკრაინის ხელისუფლებას არაფერი ეჩვენება, ელჩი ქვეყნიდან შემთხვევით არ გაუწვევია-იაგო ხვიჩია
23.03.2022 ნახვები: 600
„გირჩის" წევრის იაგო ხვიჩიას შეფასებით, უკრაინის მიმართ მხარდაჭერა საკმარისი არ არის სულ მცირე იქამდე, ვიდრე საქართველოდან ელჩია გაწვეული.
მისივე თქმით, უკრაინას საქართველოდან ელჩი შემთხვევით არ გაუწვევია და საქართველოს ხელისუფლება ამაზე უნდა დაფიქრდეს.
„არასამთავრობო ორგანიზაციების მოსაზრებები მისაღებია, მაგრამ მათი მოწოდება ხელისუფლებამ რომ არ შეასრულოს, მაშინ რა ხდება? 22 არასამთავრობო ორგანიზაცია რა ქმედებას მიმართავს? ვფიქრობ, რომ უკრაინის ხელისუფლებას არაფერი ეჩვენება, ელჩი ქვეყნიდან შემთხვევით არ გაუწვევია და საქართველოს შემთხვევით არ აბრალებენ ამორალურ პოზიციას. ხელისუფლებას ამაზე დაფიქრება მართებს, რადგან საუბარი იმაზე, რომ ვიღაცას პამპერსებით ვეხმარებით, ყოველთვის სწორი პასუხი არ არის. ჩემთვის უკრაინის მიმართ მხარდაჭერა საკმარისი არ არის სულ მცირე იქამდე, ვიდრე ქვეყნიდან ელჩია გაწვეული", - აღნიშნა იაგო ხვიჩიამ.
ცნობისთვის, არასამთავრობო ორგანიზაციების წარმომადგენლებმა გაავრცელეს ერთობლივი განცხადება, სადაც აღნიშნულია, რომ საქართველოს მთავრობამ დასავლეთის მხარდამჭერი მკაფიო პოზიცია უნდა დაიკავოს.
განცხადების მიხედვით, „მმართველმა ძალამ ღიად უნდა დააფიქსიროს ქვეყნის მხარდაჭერა უკრაინის მიმართ და დაუყოვნებლივ შეწყვიტოს მოქალაქეების ომით დაშინება".
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
