საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გავატარეთ ფუნდამენტური რეფორმები იმისათვის, რომ საქართველო მზად ყოფილიყო ევროკავშირის წევრობაზე განაცხადის შესატანად-თალაკვაძე
10.05.2022 ნახვები: 602
პარლამენტის თავმჯდომარის მოადგილის განცხადებით, საქართველომ გაატარა ფუნდამენტური რეფორმები, როგორც დემოკრატიის და უსაფრთხოების სფეროში იმისათვის, რომ საქართველო მზად ყოფილიყო ევროკავშირის წევრობაზე განაცხადის შესატანად.
"საქართველოს განაცხადი წევრობაზე და კანდიდატის სტატუსთან დაკავშირებით ის მსჯელობა, რომელიც უნდა გაიმართოს ევროპულ საბჭოში არის ძალიან მნიშვნელოვანი საქართველოს ევროინტეგრაციის გზაზე. ჩვენ ამ წლების განმავლობაში გავატარეთ ფუნდამენტური რეფორმები, როგორც დემოკრატიის, ისე ეკონომიკის და უსაფრთხოების სფეროში სწორედ იმისათვის, რომ საქართველო მზად ყოფილიყო ევროკავშირის წევრობაზე განაცხადის შესატანად.
ჩვენ ვგეგმავდით განაცხადის შეტანას 2024 წელს, მაგრამ საზოგადოებისთვის ცნობილია, რომ უკრაინაში მიმდინარე ომმა და ბრძოლამ თავისუფლებისთვის დააჩქარა ეს პროცესი. რა თქმა უნდა, გვაქვს მოლოდინი, რომ უკრაინასთან, საქართველოსთან და მოლდოვასთან იქნება სამართლიანი გადაწყევტილება მიღებული, სათანადოდ იქნება შეფასებული და დაფასებულიც ის სამუშაო, რისკები და საფრთხეები, რომელიც ამ წუთას ამ ქვეყნებში არსებობს,"- აცხადებს არჩილ თალაკვაძე.
ცნობისთვის, პრემიერ-მინისტრმა ირაკლი ღარიბაშვილმა საქართველოში ევროკავშირის ელჩს, კარლ ჰარცელს, ევროკავშირის კითხვარის პირველი ნაწილი 2 მაისს გადასცა. ახლა კი, შევსებული კითხვარის მიღების შემდეგ, ევროკომისია დაიწყებს საკუთარი შეფასების ანგარიშის მომზადებას, რომელიც ევროკავშირის საბჭოს გადაეცემა და საბჭო შესაბამის გადაწყვეტილებას, სავარაუდოდ, ივნისის ბოლოს მიიღებს.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
