გიორგი გახარიას პოლიტიკური პარტიის პრეზენტაცია ხმაურისა და საპროტესტო აქციის ფონზე ჩაივლის - მოძრაობა "შეცვალეს" და "საქართველოსთვის" წევრები „ექსპო ჯორჯიასთან" შეკრიბებიან, სადაც დღეს, 17:00 საათზე, ექსპრემიერის პარტიის პრეზენტაცია უნდა გაიმართოს.
სამოქალაქო აქტივისტების თქმით, გახარიას ბრძანებით, 20 ივნისს ახალგაზრდებს თვალები დასთხარეს, ამისთვის კი მან პოლიტიკური ფასი უნდა გადაიხადოს.
"გახარია არის გავრილოვის ღამის შემოქმედი და პასუხისმგებელი იმ მოვლენებზე, რომლის დროსაც მანიფესტანტები დაასახიჩრეს", - განცხადა მოძრაობა "საქართველოსთვის" წევრმა, ალიკა კუპრავამ.
მოძრაობა "შეცვალეს" წევრის, დიმიტრი ბიძინაშვილის თქმით, მათი პროტესტის მიზანია, გაახსენონ საქართველოს, თუ როგორი იყო გახარიას მმართველობის პერიოდი.
"როგორი უსახურიც იყო მისი მმართველობა, ისე უსახურად წავიდა ეს ადამიანი და არ შეიძლება, ასეთი ჯალათები ბრუნდებოდნენ პოლიტიკაში და ჰქონდეთ იმის ამბიცია, რომ რაიმე თანამდებობა შეიძლება ეკავოთ" - განაცხადა ბიძინაშვილმა.
