საქართველოს პარლამენტის ვიცე-სპიკერი, პარტია „მოქალაქეების“ წევრი ლევან იოსელიანი აცხადებს, რომ საქართველოს მართლმსაჯულების სისტემის რეფორმირებასა და გაჯანსაღებაში არავის იმდენი არ გაუკეთებია, რამდენიც ამერიკის შეერთებულმა შტატებმა გააკეთა ბოლო 30 წლის განმავლობაში.
„მათზე პრეტენზიების გამოთქმა და თავდასხმები სწორედ იმ ანტიდასავლური ისტერიის ნაწილია, რომელიც ბოლო პერიოდში მიმდინარეობს „ქართული ოცნების“ მხრიდან. თუ ვინმე არ იმსახურებს ჩვენი ხელისუფლებისა და ქართველი ხალხის მხრიდან საყვედურს, ეს ამერიკის შეერთებული შტატებია“, – განაცხადა ლევან იოსელიანმა.
