დღეს შეთანხმებული ტექსტით ჩვენ ხელს შევუწყობთ შიმშილის საფრთხის თავიდან აცილებას, რომელიც ელოდება მილიარდობით ადამიანს მთელს მსოფლიოში, აფრიკიდან ახლო აღმოსავლეთამდე, ამერიკიდან აზიამდე, – ამის შესახებ თურქეთის პრეზიდენტმა, რეჯეფ თაიფ ერდოღანმა თურქეთის, უკრაინისა და რუსეთის მიერ უკრაინული მარცვლეულის ექსპორტზე შეთანხმების ხელმოწერასთან დაკავშირებით განაცხადა.
მისივე თქმით, აღნიშნული შეთანხმება გლობალურ ინფლაციაზე კონტროლსაც უზრუნველყოფს.
„გემების ტრანზიტით, რომელიც მომდევნო დღეებში დაიწყება, ჩვენ შევთავაზებთ შავი ზღვიდან ახალ ტალღებს სუნთქვისთვის მრავალ ქვეყანას. დღეს შეთანხმებული ტექსტით ჩვენ ხელს შევუწყობთ შიმშილის საფრთხის თავიდან აცილებას, რომელიც ელოდება მილიარდობით ადამიანს მთელს მსოფლიოში, აფრიკიდან ახლო აღმოსავლეთამდე, ამერიკიდან აზიამდე. მნიშვნელოვანია, უზრუნველყოფილი იყოს მარაგების გლობალური უსაფრთხოება სოფლის მეურნეობისა და სურსათის სფეროში. ჩვენ ასევე ვეხმარებით სურსათის ინფლაციის კონტროლს, რომელიც გლობალურ პრობლემად იქცა. თავიდანვე ვამბობდით, რომ ამ ომს გამარჯვებული არ ეყოლება, არამხოლოდ ამ ქვეყნებს, არამედ მთელ მსოფლიოს ექნება დანაკარგები. კონფლიქტი, რომელიც ხუთი თვეა, გრძელდება და მისი გლობალური ეფექტები, სამწუხაროდ, ამართლებს ამ პროგნოზებს. ჩვენ გვსურს, რომ ეს კონფლიქტი, რომელიც უდანაშაულო ადამიანების სიცოცხლეს იწირავს, შეძლებისდაგვარად სწრაფად დასრულდეს. სამშვიდობო შეთანხმებაში დამარცხებულები არ არიან“, – განაცხადა რეჯეფ თაიფ ერდოღანმა.
