შინაგან საქმეთა სამინისტრო აცხადებს, რომ გაანადგურეს უკანონო ბრუნვიდან ამოღებული, 2 მილიონ-ნახევარ ლარამდე ღირებულების ნარკოტიკული საშუალებები.
კერძოდ, განადგურებულია:
- 2553 აბი სუბუტექსი;
- 2627,87 გრ კოკაინი;
- 1368 გრამი ჰეროინი;
- 94 გრ. მეტადონი;
- 53,065 კგ მარიხუანა;
- 753 კგ. კანაფი;
- ამფეტამინის შემცველი 352 აბი;
- 67 გრ ახალი ფსიქოაქტიური ნივთიერება;
- 1050 ცალი ახალი ფსიქოაქტიური ნივთიერების შემცველი ფირფიტის ნაჭრები;
- პრეგაბალინის შემცველი 1144 კაფსულა.
უწყების ცნობით, სამართალდამცველებმა უკანონო ბრუნვიდან ნივთმტკიცებად ამოღებული ნარკოტიკები მაღალტემპერატურულ ღუმელში, გარემოსდაცვითი თანამედროვე სტანდარტების დაცვით გაანადგურეს.
