„სამართლიანმა არჩევნებმა“ როდესაც განაცხადა, რომ არ არის ლეგიტიმური ხელისუფლება, რომელმაც რეკომენდაციები უნდა შეასრულოს, აქ იმდენად დიდი დოზით არის ნეიტრალიტეტის დარღვევა, რთულად წარმოსადგენია ასეთი არანეიტრალური, ვითომ უკვე არასამთავრობო ორგანიზაციის მიერ რაიმე ობიექტური გადაწყვეტილების მიღება სამუშაო ჯგუფის ფარგლებში, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.
როგორც დავით მათიკაშვილმა აღნიშნა, „სამართლიანმა არჩევნებმა“ უნდა აღიაროს, რომ ხელისუფლება, რომელიც რეკომენდაციების შესრულებაზე მუშაობს, არის ლეგიტიმურად არჩეული, ლეგიტიმურად მოქმედი ყოველგვარი მათი მხრიდან წამოსული ინსინუაციების გამოისობით.
„კატეგორიულად ვერ დავეთანხმები, რომ „სამართლიანი არჩევნებისთვის“ საარჩევნო კოდექსის რევიზიასთან დაკავშირებით შექმნილ სამუშაოა ჯგუფში მუშაობაზე უარის თქმა, არის თავდასხმა არასამთავრობო ორგანიზაციაზე. მე პირიქით ვიტყოდი. როდესაც არასამთავრობო ორგანიზაცია „სამართლიანმა არჩევნებმა“ განაცხადა, რომ არ არის ლეგიტიმური ხელისუფლება, რომელმაც რეკომენდაციები უნდა შეასრულოს, უნდა წავიდეს სახლში, შეიქმნას ტექნიკური მთავრობა და თავად ეს არასამთავრობო ორგანიზაცია, მათი წარმომადგენლები მოგვევლინონ პრემიერ-მინისტრებად, მინისტრებად და აქ ნეიტრალიტეტის დიდი დოზით დარღევაა. არასამთავრობო ორგანიზაციების მხრიდან იმდენად ღრმად შეჭრაა პოლიტიკურ ლაბირინთებში, რთულად წარმოსადგენია, ასეთი არანეიტრალურ ვითომ არასამთავრობო ორგანიზაციის მიერ რაიმე ობიექტური გადაწყვეტილების მიღება სამუშაო ჯგუფის ფარგლებში.
შეცდომა ყველას მოსდის, ზუსტად ამ არასამთავრობო ორგანიზაციის „შეცდომის“ დამსახურებაა ის, რომ შესაძლოა, სავალალო მოვლენები მომხდარიყო ქვეყანაში, რადგანაც ეს ორგანიზაცია ყველას ატყუებდა და უმტკიცებდა, თითქოს არჩევნები გაყალბდა. ეს ასე არ მომხდარა, ამიტომ დღეს, როდესაც კიდევ ერთი მძიმე შეცდომა დაუშვა ამ ორგანიზაცია, ალბათ საზოგადოების წინაშე სწორ იქნება მოხდეს გამიჯვნა მსგავსი განცხადებებისგან და მხოლოდ შემდგომ ნეიტრალურ, პოლიტიკურად არაანგაჟირებულ ორგანიზაციასთან თავისუფლად და მარტივად შესაძლებელია ნებისმიერ სამუშაო ჯგუფში მუშაობა. მათ უნდა თქვან და აღიარონ ხელისუფლება, რომელიც რეკომენდაციების შესრულებაზე მუშაობს, არის ლეგიტიმურად არჩეული, ლეგიტიმურად მოქმედი ყოველგვარი მათი მხრიდან წამოსული ინსინუაციების გამოისობით. დღეს ძალიან მნიშვნელოვანია, საკითხები გადაწყდეს პარლამენტში, ვიმუშაოთ პარლამენტში და არა პარლამენტის წინ ან სადმე რომელიმე კულუარებში, სადაც გადაწყვეტილებები არ მიიღება“, – განაცხადა მათიკაშვილმა.
