ოპოზიციას კი, ხან ცხელა და ხან ცივა, მათ ტემპერატურაზე ვერ ავეწყობით, – ამის შესახებ დამოუკიდებელმა დეპუტატმა, გურამ მაჭარაშვილმა საქართველოს პირველ არხს ოპოზიციის გეგმებზე საუბრისას განუცხადა.
მისი თქმით, ქართულ საზოგადოებას ნორმალური დღის წესრიგი აქვს.
„ქართულ საზოგადოებას წელიწადის ყველა დროს აქვს ძალიან ნორმალური დღის წესრიგი. ოპოზიციას კი, ხან ცხელა და ხან ცივა, მათ ტემპერატურაზე ვერ ავეწყობით. შესაბამისად, შემოდგომა იქნება ისეთი, როგორიც ბუნებრივად არის ხოლმე. ოპოზიციამ ვერ გაარტყა ვერცერთი არჩევნების შედეგებზე და ხალხი ამინდზე როგორ უნდა ენდოთ, რომ ამინდის პროგნოზს გააკეთებენ, როცა პოლიტიკურ პროგნოზში მთელი წარუმატებლობა აქვთ“, – განაცხადა მაჭარაშვილმა.
