31 ოქტომბრის არჩევნების შემსწავლელი კომისიის დღევანდელი სხდომა ცესკო-ს თავმჯდომარის თამარ ჟვანიას მოსმენით იწყება. ჟვანია პარლამენტში უკვე მივიდა.
საგამოძიებო კომისიის თავმჯდომარის გივი მიქანაძის ინფორმაციით, ცესკო-ს თავმჯდომარეს დაუსვამენ კითხვებს, რაც საუბნო კომისიებისა და ოლქების, ასევე არასამთავრობო ორგანიზაციების წარმომადგენლებთან შეხვედრის შემდეგ გამოიკვეთა.
დღევანდელი დღით გამოკითხვის ნაწილი სრულდება. მიქანაძის თქმით, ივლისში საგამოძიებო კომისია მზად იქნება დასკვნის წარსადგენად.
