„სიამოვნებით მოვუსმენ ბატონ ირაკლი ზარქუას პლენარულ სხდომაზე, ჩემი მოხსენების შემდგომ და მოვისმენ მის კითხვებს თუ არგუმენტაციას, კონკრეტულად რომელი შეფასების დროს არის სახალხო დამცველი მიკერძოებული.", - ამის შესახებ სახალხო დამცველმა ნინო ლომჯარიამ საპარლამენტო უმრავლესობის წევრის ირაკლი ზარქუას განცხადების საპასუხოდ განაცხადა.
ცნობისთვის, ზარქუას არ გამორიცხავს, რომ სახალხო დამცველი რომელი პარტიიულ სიაში იხილოს.
ლომჯარიას თქმით, ომბუდსმენი რომელიმე პოლიტიკური პარტიისა და ხელისუფლების ოპონენტი კი არა ზედამხედველია.
„სიამოვნებით მოვუსმენ ბატონ ირაკლი ზარქუას პლენარულ სხდომაზე, ჩემი მოხსენების შემდგომ და მოვისმენ მის კითხვებს თუ არგუმენტაციას, კონკრეტულად რომელი შეფასების დროს არის სახალხო დამცველი მიკერძოებული. ვიწვევ მას დისკუსიაში, რომ განვიხილოთ მისი არგუმენტები, რომელი კონკრეტული შეფასება მიაჩნია მას მიკერძოებულად, რადგან მე მიმაჩნია, რომ ყველა ჩვენი განცხადების უკან დგას სათანადოდ შესწავლილი და არგუმენტირებული საფუძვლები. ამიტომ თუ მას ასე მიაჩნია, ვიწვევ მას, რომ პლენარულ სხდომაზე დააფიქსიროს კონკრეტული პოზიცია,"- განაცხადა ომბუდსმენმა.
