აზერბაიჯანსა და სომხეთს ერთმანეთის მიმართ საარტილერიო ცეცხლი აქვთ გახსნილი, - ამის შესახებ აზერბაიჯანული და სომხური მედია იუწყებიან.
სომხეთის თავდაცვის სამინისტროს პრესმდივანი შუშან სტეპანიანი „ფეისბუქში" წერს, რომ ღამით სტეპანაკერტის საჰაერო სივრცეში ორი უპილოტო საფრენი აპარატი ჩამოაგდეს.
აზერბაიჯანის თავდაცვის სამინისტროს ინფორმაციით კი, სომხეთი ამჟამად ქალაქ ტერტერს ბომბავს. სამინისტროში ასევე აცხადებენ, რომ სომხეთის მხარეს დაღუპულთა რიცხვი 2 300-ს
მათივე ცნობით, 27 სექტემბრიდან დაჭრილი და დაღუპულია 2 300-მდე სომეხი ჯარისკაცი, გარდა ამისა, განადგურებულია 130 ტანკი და სხვა ჯავშანტექნიკა, 25-მდე საჰაერო თავდაცვითი სისტემა, იარაღის 5 საწყობი, 50-მდე ტანკსაწინააღმდეგო სისტემა.
აზერბაიჯანის თავდაცვის უწყების ინფორმაციით, გუშინდელი ბრძოლის დროს აზერბაიჯანულმა ძალებმა ხოჯალის რეგიონში საზენიტო-სარაკეტო სისტემა С-300-ი გაანადგურეს.
