ყირიმის ხიდზე მომხდარი აფეთქების სისხლის სამართლის საქმეზე რვა ადამიანია დაკავებული. ინფორმაციას რუსული სამთავრობო მედია ავრცელებს. რუსეთის ფედერალური უსაფრთხოების სამსახურის ინფორმაციით, ხიდზე აფეთქება უკრაინის თავდაცვის სამინისტროს მთავარი სადაზვერვო სამმართველოს მიერაა ორგანიზებული.
„დადგინდა, რომ ყირიმის ხიდზე ტერაქტის ორგანიზატორი უკრაინის თავდაცვის სამინისტროს მთავარი სადაზვერვო სამმართველო და მისი ხელმძღვანელი კირილ ბუდანოვია, ასევე მისი თანამშრომლები და აგენტურა. ასაფეთქებელი მოწყობილობა, სამშენებლო პოლიეთილენის შეფუთვაში იყო შენიღბული და მისი საერთო 22 770 კილოგრამი იყო. აგვისტოს დასაწყისში ტვირთი ოდესის პორტიდან ბულგარეთში, რუსში იქნა გაგზავნილი“, – ნათქვამია განცხადებაში.
განცხადებაში ასევე აღნიშნულია, რომ ტვირთის გადაზიდვაში ბულგარეთიდან ფოთის პორტში, შემდეგ კი სომხეთში ჩართულები იყვნენ უკრაინის, საქართველოსა და სომხეთის სამი მოქალაქე.
საქართველოში რეგისტრირებული სატვირთო ავტომობილით ტვირთმა საქართველო-რუსეთის საზღვარი ლარსის გავლით 4 ოქტომბერს გადაკვეთა და ტვირთი 6 ოქტომბერს არმავირის ბაზაზე ჩამოტვირთეს.
