ვენეციის კომისიის საიტის თანახმად, „დეოლიგარქიზაციის შესახებ“ უკრაინული კანონი იქ არის და არავის გაუწვევია - თუ კელი დეგნანის მიერ გაკეთებული განცხადება ერთგვარი მითითებაა, რომ კანონი სასწრაფოდ გაიწვიონ და ვენეციის კომისია დეგნანს ემორჩილება, ეს არ ვიცი, - აღნიშნული განცხადება საპარლამენტო უმრავლესობის წარმომადგენელმა მოძრაობა “ხალხის ძალიდან“ სოზარ სუბარმა გააკეთა.
მისივე თქმით, თუკი “დეოლიგარქიზაციის შესახებ“ უკრაინულ კანონს ვენეციის კომისიის დასკვნა არ სჭირდება, ესე იგი, ის არც საქართველოს კანონს სჭირდება, ხოლო თუ უკრაინის კანონს ვენეციის კომისიის დასკვნა სჭირდება, ეს დასკვნა ავტომატურად საქართველოს კანონზეც გავრცელდება.
“რადიკალურმა ოპოზიციამ “დეოლიგარქიციზაციის შესახებ“ კანონპროექტის საკუთარი ვერსია წამოადგინა. ძალიან იწვალეს, მაგრამ ვეღაფერს მიაღწიეს - პრაქტიკულად გამოუვიდათ ოლიგარქების დაცვის შესახებ კანონი. უნდოდათ ისეთი კანონპროექტი დაეწერათ, რომ ბიძინა ივანიშვილზე მოერგოთ, მაგრამ ესეც ვერ შესძლეს, რადგან ყოველგვარ სამართლებრივი ლოგიკის წინააღმდეგ წასვლა, შეუძლებელია. დღეს კელი დეგნანის განცხადება მოვისმინეთ, რომელმაც თქვა, რომ უკრაინამ საკუთარი კანონი ვენეციის კომისიიდან გაიწვია, თუმცა კომისია ჯერ კიდევ გაზაფხულზე ამბობდა, რომ მას დასკვნა მზად ჰქონდა. ჯერ ერთი, გაუგებარია ამ დასკვნის უკრაინაში გაგზავნას ამდენი ხანი რატომ დასჭირდა. მეორეც, ვცადეთ კელი დეგნანის ინფორმაციის გადამოწმება. ჯერჯერობით აღნიშნული ინფორმაცია ვერსად მოვიძიეთ - ვერც უკრაინელებისგან, ვერც ვენეციის კომისიისგან. უკრაინულ კანონს აქვს ძალიან მაღალი და დადებითი შეფასება ევროპელი პოლიტიკოსების მხრიდან და გაუგებარია ის, რაც კარგია უკრაინისთვის, რატომ არ უნდა იყოს კარგი საქართველოსთვის“, - განაცხადა სოზარ სუბარმა.
სოზარ სუბარი - ვენეციის კომისიის საიტის თანახმად, „დეოლიგარქიზაციის შესახებ“ უკრაინული კანონი არავის გაუწვევია - თუ კელი დეგნანის განცხადება მითითებაა, რომ კანონი სასწრაფოდ გაიწვიონ და კომისია მას ემორჩილება, ეს არ ვიცი
ნახვები: 482
