„ლელოს“ ლიდერის, მამუკა ხაზარაძის განცხადებით, თუ „ნაციონალურ მოძრაობას“ ისეთი რეაქციული ძალები დაუბრუნდებიან, „როგორიცაა ვანო მერაბიშვილი და ა.შ.“, ვერც პირადად ის და ვერც „ლელო“ „ნაციონალურ მოძრაობასთან“ ურთიერთობის გაგრძელების პერსპექტივას ვეღარ დაინახავს.
„ნაციონალურ მოძრაობაში“ მიმდინარე პროცესებზე ხაზარაძემ მცირე კომენტარი მედიასთან გააკეთა.
„პირველ რიგში, სხვა პარტიის შიდა საქმეები, ეს მათი შიდა საქმეებია, ეს იქნება არჩევნები თუ ა.შ. თუმცა ჩვენ ვაკვირდებით ამ პროცესს, როგორც ყველა სხვა პარტია თუ მოქალაქე იმიტომ, რომ მნიშვნელოვანი პროცესია ქვეყნის პოლიტიკურ ცხოვრებაში.
თუ ჩვენ დავინახავთ, რომ ამ პარტიას უბრუნდება ისეთი რეაქციული ძალები, როგორიცაა მაგალითად, ვანო მერაბიშვილი და ა.შ. მე პირადად და ჩვენი პარტია ვერანაირ პერსპექტივას ვერ ვხედავთ მათთან არც თანამშრომლობის ან რაიმე ურთიერთობის გაგრძელების“, - განაცხადა მამუკა ხაზარაძემ ჟურნალისტებთან საუბრისას.
