საქართველოს მოსახლეობა დაიღალა ამ დაუსრულებელი „სანტა ბარბარათი“, რომელიც გამართულია „ქართულ ოცნებას“ და „ნაციონალურ მოძრაობას“ შორის - ახლა ეს ყველაფერი კულმინაციაშია მიხეილ სააკაშვილის პატიმრობითა და იმით, რომ პარტია საკუთარ ლიდერს ციხიდან ვერ იხსნის, - ამის შესახებ ჟურნალისტებთან „გირჩის“ დეპუტატმა იაგო ხვიჩიამ განაცხადა.
ხვიჩიას თქმით, საქართველოში პოლიტიკური თამაშის ეს ეტაპი უნდა დასრულდეს და უფრო საინტერესო პროცესი დაიწყოს, რისკენ მისასვლელიც „ნაციონალური მოძრაობის“ დაშლაა.
„არჩევნების წაგების შემდეგ კრიზისები პარტიაში ნორმალური მოვლენაა. მიხეილ სააკაშვილის დაპატიმრება და ვერგამოშვებაც ისეთი ფაქტორია, რაც კრიზისს კიდევ უფრო მეტად აღვივებს.
მხარეებს ბევრჯერ შევთავაზე გამოსავალი, თუ როგორ შეიძლებოდა სიტუაციის დამშვიდება, მათ შორის პარტიის შიგნით. სერიოზულად არავინ მოგვისმინა. ამიტომ „ნაციონალური მოძრაობის“ შიგნით მიმდინარე მოვლენების მიმართ დიდი ინტერესი არ გამაჩნია, გარდა იმ შემთხვევისა, როცა დავინახავ, რომ პარტია იშლება და სხვა პოლიტიკურ რეალობაში აღმოვჩნდებით. მოგეხსენებათ, ამას ვგულშემატკივრობ!
შიდა პარტიული არჩევნები არის მისასვლელი გზა იქამდე, თუ როგორ დაიშალოს ბუნებრივად „ნაციონალური მოძრაობა“, - განაცხადა იაგო ხვიჩიამ.
ნიკა მელია ვანო მერაბიშვილთან დაპისრპირების დეტალებზე ალაპარაკდა
მერაბიშვილს ხელს არასოდეს ჩამოვართმევ, არ ვითანამშრომლებ მასთან, ეს გადაულახავი ბარიერია - მელია
ხაბეიშვილი ყველაფერს იკადრებს, არ მიკვირს, რასაც მიკეთებს - ნიკა მელია
თუ მერაბიშვილ-კეზერაშვილი გაიმარჯვებს, მმართველობიდან გავიწევი და ხელს არ შევუშლი - მელია
ირაკლი ზარქუა: ნიკა მელიას ვუსმინე, შემეცოდა, რა დღეში ჰყოლიათ „ნაცებს“
