"ნაპოლის" ლეგენდამ, ანტონიო დე ოლივეირა ფილიომ, იგივე კარეკამ, "პარტენოპეის" შესახებ ისაუბრა და სპალეტის გუნდიდან 2 ფეხბურთელი გამოარჩია.
კარეკას თქმით, იმ შემთხვევაში, თუ ნეაპოლელები უფრო მრავალმხრივად ითამაშებენ, ასეთ შემთხვევაში ხვიჩა კვარაცხელია კიდევ უფრო მოუმატებს.
"ქართველი დიდებული ტალანტია, თუმცა "ნაპოლის" შეტევების უმეტესობა მხოლოდ მისი ფლანგიდან არ უნდა განხორციელდეს. ჩვენ ბალანსი გვჭირდება, მარჯვენა ფლანგი მეტად უნდა დაიტვირთოს, რაც ხვიჩას თავისუფლებას მისცემს. "ინტერთან" მატჩში "კვარამ" თავისი დიდებული თვისებები სწორედ ამიტომ ვერ გამოავლინა.
მგავს თუ არა ოსიმენი? ასე არ ვფიქრობ, ოსიმენი ფიზიკურად მაღალი და ძლიერია,
ასევე, შეტევაში მრავალმხრივია და თამაში სიღრმიდანაც შეუძლია. მას მუდამ გატანა სურს და ნიგერიელი საგოლე მომენტებით თანაგუნდელებსაც ამარაგებს", - განაცხადა კარეკამ.
შეგახსენებთ, "ნაპოლი" მომდევნო შეხვედრას 29 იანვარს "რომას" წინააღმდეგ გამართავს. მატჩი თბილისის დროით 23:45 საათზე დაიწყება.
sportall.ge
