„არა ღალატს!“ - სისხლიან ბანერებზე გახარიაც გამოჩნდა
„რას იძიებენ“ - ინგა გრიგოლიას პროკურატურაში კითხავენ
სუს-ის საიდუმლო კრებსებიდან ირკვევა, რომ საქართველოს ეკლესიის წარმომადგენლებს პირდაპირი კავშირი აქვთ რუსეთის ფედერალური უსაფრთხოების სამსახურთან. ფაილში, რომლის სათაურიცაა „ინფორმაცია“ და რომელიც 2014 წლის 25 ივლისით თარიღდება, წერია: „მოპოვებული ინფორმაციით, მწ 25 ივლისს არქიმანდრიტი პიმენი (რომან) ქარდავა, დაუკავშირდა ალექსეი (რუსეთის ფედერაციის ფედერალური უსაფრთხოების სამსახურის ოფიცერი), რომელმაც მოიკითხა პ.ქარდავას აფხაზეთში ვიზიტის შესახებ, პ.ქარდავას სიტყვებით, ის შეხვდა ვინმე თემურს (სავარაუდოდ, თემურ შერგელია, გალის რაიონის უშიშროების სამსახურის ხელმძღვანელი) და ბესარიონ აპლიას, შეხვედრა ნორმალურად ჩაიარა, რაც პ.ქარდავას თქმით, ალექსეის დამსახურებაა, პ.ქარდავა აფხაზეთში საპრეზიდენტო არჩევნების შემდეგ, ჩასვლას აპირებს ქ.სოხუმში, სადაც აუცილებლად შეხვდება ალექსეის.“
„რა, რეზინის შვილები მყავს, გგონიათ?!“ - კახა კალაძე
წითელმა ჯვარმა აჭარის ჯანდაცვის სამინისტროს 22 ტონა თხევადი ჟანგბადი გადასცა
ეკატერინე ტიკარაძე აცხადებს, რომ ინფიცირების შემთხვევების კლების ტენდენციის მიუხედავად, მნიშვნელოვანია, რეგულაციების აღსრულებაზე მკაცრი კონტროლი იყოს
იაგო ხვიჩია - ჩანს, „ქართული ოცნებაში“ ერთმანეთთან უცნაური ხუმრობები აქვთ, რასაც ბოლომდე ვერ ჩავწვდებით
სალომე სამადაშვილი - სადეპუტატო უფლებამოსილების შეწყვეტა თუ ნიკა მელიას სურვილია, ეს თხოვნა უნდა დაკმაყოფილდეს

სამედიცინო პერსონალისთვის ვაქცინაცია სავალდებულო უნდა გახდეს - სამედიცინო ასოციაციების გაერთიანება განცხადებას ავრცელებს

07.24.2021 | 14:20

სამედიცინო ასოციაციების გაერთიანება განცხადებას ავრცელებს.

ასოციაცია მადლობას უხდის ამერიკის შეერთებულ შტატებს ვქცინების გადმოცემისთვის.

განცხადებას უცვლელად გთავაზაობთ.


„სამედიცინო ასოციაციების გაერთიანება მადლობას უხდის ამერიკის შეერთებულ შტატებს ვაქცინების გადმოცემისთვის და თვლის , რომ სამედიცინო პერსონალისთვის ვაქცინაცია სავალდებულო უნდა გახდეს.
სამედიცინო საზოგადოების სახელით გვინდა, მადლობა გადავუხადოთ ჩვენ მეგობარ ამერიკის შეერთებულ შტატებს და პრეზიდენტ ჯო ბაიდენს კოვიდ-19 ის პანდემიის დამარცხების გზაზე ვაქცინის მნიშვნელოვანი მარაგის გადმოცემისთვის.
დღეს ვაქცინაცია წარმოადგენს სახელმწიფოებრივი მნიშვნელობის საკითხს. აქედან გამომდინარე, გვინდა დავაფიქსიროთ ჩვენი მოსაზრებები, თუ რა უნდა გაკეთდეს, რომ პანდემიის დასამარცხებლად მნიშვნელოვან გარდატეხას მივაღწიოთ:
1. პირველ რიგში, სამედიცინო პერსონალმა საკუთარ პაციენტებს და მთელ საზოგადოებას მაგალითი უნდა მისცეს და აქტიურად ჩაერთოს ვაქცინაციის პროცესში.
2. მოვუწოდებთ მოსახლეობას, გადაუდებლად ჩაიტაროს კოვიდ-19 ის საწინააღმდეგო ვაქცინაცია ნებისმიერი, მათთვის მისაღები ვაქცინით. ამასთან, მკაცრად დაიცვას დღეს არსებული კოვიდ-19 საწინააღმდეგო რეგულაციები, რომელიც არის მინიმალური და მათი შესრულება რთული არ არის.
3. მოვუწოდებთ კლინიკებს, მკაცრად დაიცვან კოვიდ-19-ის ჰოსპიტალიზაციის კრიტერიუმები, რათა არ მოხდეს საწოლების დაკავება ისეთი პაციენტების მიერ, ვისაც ჰოსპიტალიზაცია არ სჭირდება
4. მოვუწოდებთ სახელმწიფოს, სასწრაფოდ დაადგინოს კოვიდ-19 საწინააღმდეგო ვაქცინაციის სამედიცინო და სხვა მიზნობრივი ჯგუფებისთვის სავალდებულოდ შემოღებისა და მისი აღსრულების მექანიზმები,
როგორიცაა მაგ.:
ა) ვაქცინირებული პირებისთვის კონკრეტული შეღავათების დაწესება;
ბ) არავაქცინირებული პირების, მათ შორის, პირველ რიგში, სამედიცინო პერსონალის, სამუშაო ადგილებზე დაშვების შეზღუდვის პირობები.
5. სამედიცინო ასოციაციების გაერთიანებამ, თავისი შესაძლებლობის ფარგლებში, შექმნა ორი ვიდეორგოლი, რომლითაც მოუწოდა მოსახლეობას ვაქცინაციისკენ. ვფიქრობთ, სახელმწიფომ უფრო მეტად უნდა მოახდინოს ამ ვიდეო რგოლების გამოყენება ვაქცინაციის პოპულარიზაციისთვის."-წერია განცხადებაში