„ჩვენ დასავლეთს უნდა მოვუსმინოთ აუცილებლად და პირველ რიგში, ქართველ ხალხს. დიახ, სახელმწიფო ინტერესები უნდა დავაყენოთ წინ და არ უნდა მივიღოთ ემოციური გადაწყვეტილებები. უნდა ვიყოთ თანმიმდევრულები. ჩვენ გვჭირდება საკონსტიტუციო ცვლილებები, რათა სრულად პროპორციულ სისტემაზე გადავიდეთ და გავიმარჯვოთ რეფერენდუმში", - განაცხადა „tv პირველლის" ეთერში, „სტრატეგია აღმაშენებლის" ლიდერმა, გიორგი ვაშაძემ.
ვაშაძის შეფასებით, ოპოზიცია ამ ეტაპზე სწორად მოქმედებს, რადგან არ იღებს ემოციურ და ნაჩქარევ გადაწყვეტილებებს.
„ვფიქრობ, რომ საკმაოდ სწორად ვმოქმედებთ და არ ვიღებთ ემოციურ ფონზე გადაწყვეტილებას. მივესალმები იმ დისკუსიას, რომელიც „ნაციონალურ მოძრაობაშია" ახლა დოკუმენტთან დაკავშირებით, ჩვენ უნდა ვუჩვენოთ საზოგადოებას, რომ გაცილებით უფრო პასუხისმგებლობით ვუდგებით ქვეყნის მომავალს, ვიდრე „ქართული ოცნება", - განაცხადა ვაშაძემ.
მისივე თქმით, აუცილებელია, ოპოზიციამ არ ელაპარაკოს ამომრჩეველს მხოლოდ ტელეეთერებიდან.
„ყოველთვის უნდა ეძებო ხარვეზები საკუთარ თავში და ჩვენ, ის პოლიტიკური ძალა ვართ, რომელიც ფიქრობს, რომ მუდამ უნდა გქონდეს კომუნიკაცია და პირისპირ შეხვედრები საზოგადოებასთან",- განცხადა ვაშაძემ.
