სარეკლამო აგენტიც არსებობს და სპორტული აგენტიც, გააჩნია ამ სიტყვას როგორ მანიპულირებთ. მანიპულაციების ოსტატები ხართ, თორემ ეს ოფიციალური სახელია და ცუდი არაფერია, - ამის შესახებ ჟურნალისტებთან პარლამენტის პირველმა ვიცე- სპიკერმა გია ვოლსკიმ განაცხადა, რითაც უცხოური გავლენის თაობაზე კანონპროექტს გამოეხმაურა, რომელიც უცხოური გავლენის აგენტების რეესტრის შექმნას ითვალისწინებს.
ვოლსკის განცხადებით, სპეკულაცია, რომ ეს ეხება აშშ - ის, ევროკავშირის მიერ დაფინანსებულ ორგანიზაციებს, რადგან მისივე თქმით, "ამ ურთულეს სიტუაციაში რაც მსოფლიოში შექმნილია, მოსალოდნელია ათასი ჯურის ორგანიზაციის შემოსვლა".
"საკმაოდ სიღრმისეული მსჯელობა გვქონდა და ჩვენ გადავწყვიტეთ, რომ ნებისმიერი ორგანიზაცია, რომელიც საქართველოში მოქმედებს, საზოგადოებისთვის უნდა აკეთებდეს განცხადებას რა პროგრამას მიყვება, რა ოდენობის დაფინანსება აქვს და ვისგან მის განსახორციელებლად. სპეკულაცია, რომ თითქოს ეხება აშშ - ის, ევროკავშირის მიერ დაფინანსებულ ორგანიზაციებს, სპეკულაციაა, რადგან ამ ურთულეს სიტუაციაში რაც მსოფლიოში შექმნილია, მოსალოდნელია ათასი ჯურის ორგანიზაციის შემოსვლა და არასამთავროვო ორგანიზაციებად რეგისტრირება და მათი დაფინანსება“, - განაცხადა ვოლსკიმ.
