საქართველოს თავდაცვის ძალებში მასობრივი იმუნიზაცია აქტიურად მიმდინარეობს. როგროც თავდაცვის უწყებაში აცხადებენ, ვაზიანის მე-4 მექანიზებული ბრიგადის ლაზარეთში ვაქცინაციის კაბინეტი გაიხსნა.
უწყების ინფორმაციით, პუნქტის გახსნის საჭიროება დღის წესრიგში ბრიგადის პირადი შემადგენლობის მაღალი მიმართვიანობის შესაბამისად დადგა.
„თავდაცვის ძალებში გახსნილი დამატებითი ვაქცინაციის კაბინეტები მთელი საქართველოს მასშტაბით ემსახურება სამხედრო მოსამსახურეებს. ასევე, ვაქცინაციის პროცესი უწყვეტ რეჟიმში მიმდინარეობს გორსა და ქუთაისში მდებარე თავდაცვის სამინისტროს გიორგი აბრამიშვილის სახელობის სამხედრო ჰოსპიტალსა და სამედიცინო ცენტრში", - აღნშნულია უწყების ინფორმაციაში.
